Secundaria

Saída cultural 1º e 2º da ESO

03/12/2014 - 08:46
03/12/2014 - 19:46
Etc/GMT+1

Hoxe os alumnos de 1º e 2º da ESO visitaran ás Fragas do Eume e Betanzos.

HORARIO PROBAS SETEMBRO

Pincha na imaxe para ver os horarios.

GRADUACIÓN 4º DE ESO

O mércores 18 de xuño de 2014, celebrouse a Graduación dos alumnos de 4º de ESO, PROMOCIÓN 2001-2014.

Comezouse cunha Eucaristía na Igrexa do Rosario.

Seguidamente levouse a cabo o acto de Graduación no colexio coa imposición de becas e a entrega de agasallos por parte da ANPA e do centro.

Os alumnos lembraron o seu paso polo centro nuha fotomontaxe realizada polo seu titor.

Antes de pasar a tomar unha merenda, houbo unha divertida sorpresa para os alumnos: A representación da obra teatral  "A AULA DE TÓCAME ROQUE", na que participaron nais, pais e irmáns.

Pasámolo xenial! Os actores parecían uns auténticos profesionais e o público pasouno bomba!

Queremos agradecer a todos a súa participación e implicación neste entrañable e inesquecible acto.

 

            

   A AULA DE TÓCAME ROQUE

 

 

 

     Maribel, Marisiña, Mª José, Clara, Mar e Raqueliña co pai desta última;

                                       Sr. Miguel Angel o profesor Folgueiras e   Pabliño.

 


                    
A profesora Maxi, con Raqueliña, Pablito e o policía Iván

 

 

A Inspectora de Educación e Ciencia: Dona Mª del Pilar 

 

Os alumnos compartindo as tortas da súa Graduación

 

 

 

 

SAÍDA CULTURAL A SANTIAGO

OS ALUMNOS DE 1º E 2º DE ESO VIAXAN A SANTIAGO
Os alumnos de 1º e 2º de ESO, acompañados dos seus profesores realizaron unha viaxe cultural a Santiago.
Alí coñeceron as instalacións da TVG, os seus platós e mantiveron un encontro moi agradable con José Ramón Gayoso, que estivo moi atento con todo o grupo.
        A continuación, visitaron o Parlamento de Galicia, as súas salas, a biblioteca, participaron en actividades propostas polo coordinador da visita, foron recibidos polo parlamentario Ángel Camino, que departiu amablemente con todos os alumnos, e por último, dirixíronse ao  salón de sesións.
Despois de xantar, houbo tempo para recibir unha lección de arte, arredor da catedral e para  actividades lingüísticas. Os alumnos, en grupos de tres ou catro, tiñan que facer unha entrevista a peregrinos ingleses e franceses e retratarse con eles. 
Resultou unha saída moi enriquecedora! 

Belén Garañana, 2º premio no III Concurso literario "FUNDACIÓN O NOSO LAR"

 

BELÉN GARAÑANA, PREMIADA NO CONCURSO LITERARIO "O NOSO LAR"

                A alumna de 1º de ESO, Belén Garañana acaba de recibir un segundo premio no concurso literario infantil-xuvenil da "Fundación O NOSO LAR" de San Román de Lousada.

      O tema do concurso xiraba arredor do mundo rural e a alumna recibiu o premio polo seu traballo titulado "Recordos daquel tempo" no que narra unha historia de emigración a Cuba.

Felicitamos a Belén polo seu premio e pola calidade do seu traballo, ao tempo que a animamos a seguir participando neste tipo de actividades.    

Rally Científico en Toulouse

Sete alumnos de 4º de ESO acompañados do profesor de ciencias viaxaron ata a cidade francesa de Toulouse para participar na fase final do Rally Científico. Agradecer ao Concello, Deputación e Anpa a súa axuda. Desexarlles moita sorte e que desfruten desta experiencia.

 

 

Convivencia 1º e 2º ESO

Os alumnos de 1º e 2º da ESO tiveron un día de convivencia xunto a tres dos seus profesores no Priorato de Lóuzara.

Desfrutaron moito da xornada e aprenderon cousas novas tanto deles mesmos como do resto dos compañeiros.

Podedes ver como o pasaron premendo aquí.

 

 

 

 

Catro alumnos de 2º de ESO participan nos concursos de "Relato de Coca-cola"

Alumnos de 2º de ESO participan nos concursos  provinciais de Relato de Coca-cola
As alumnas  Clara López e Laura López, de 2º de ESO participaron no "Concurso de relato curto" en lingua galega, na fase provincial.
No "Concurso de Relato corto" en lingua castelá representaron ao noso centro, Sofía Valiña e Nicolás López.
Desexámoslles moita sorte aos catro alumnos! 

Alumnos de 1º e 2º de ESO, participan no programa CINENSINO

1º E 2º de ESO, participan en CINENSINO
    O día 3 de abril, os alumnos de
1º e 2º de ESO visionaron unha película dentro das actividades de titoría e do
programa de Prevención de drogodependencias “CINENSINO”.

    A sesión deste trimestre foi a película “A
estrana vida de Timothy
  Green”, unha
historia máxica e inspiradora, coa que os alumnos descobren que ás veces o
inesperado pode brindar algún dos mellores agasallos da vida.

 Resultou unha actividade entretida e moi interesante para os alumnos.

Visita de 4º de ESO ao IES Gregorio Fernández e ao IES Xograr Afonso Gómez

Os alumnos de 4º de ESO visitaron os institutos Gregorio Fernández e Xograr Afonso Gómez para coñecer as instalacións destes centros educativos de cara a continuación dos seus estudos. Nestes centros recibiron información sobre as características dos estudos de bacharelato e ciclos formativos referentes a materias das diferentes modalidades, selectividade, inserción laboral e tamén características propias deste ciclo.

 

 

Belén Garañana, 2º premio no "Certame de contos e relatos curtos Trapero Pardo"

Belén Garañana, 2º premio no "Certame de contos e relatos curtos Trapero Pardo"

 

A alumna de 1º de ESO, Belén Garañana recibiu o 2º premio do "Certame de contos e relatos curtos  Trapero Pardo", na categoría de 12 a 14 anos,  polo seu relato " O recuncho dos contos perdidos".

Os premios foron entregados na casa consistorial de Lugo e o acto estivo presidido polo alcalde, José López Orozco, a concelleira de Educación, Esther Muñoz e o profesor e membro do xurado, José Manuel Castedo.

 

Parabéns Belén!

 

 

Visita a Ferrol 1º e 2º ESO

O día vinteoito de novembro, os alumnos de 1º e 2º de ESO realizaron unha viaxe cultural a Ferrol.

A primeira parada que fixemos foi na regasificadora Reganosa, onde en primeiro lugar tiveron unha charla onde lles explicaron o traballo desta planta que almacena e transforma gas natural licuado (GNL)

A continuación fixemos unha visita polos exteriores da planta onde nos foron explicando os diferentes usos dos elementos que a compoñen e os procesos que se seguen neles.

 

 

 

 

 

 

Despois desta visita desprazámonos ao Museo Naval de Ferrol onde tivemos dous guías que nos explicaron o contido das diferentes salas.

 

E por último, logo do xantar trasladámonos ao centro de Ferrol onde desfrutamos dun paseo polo seu casco histórico. 

Entrega premios do I Concurso de Microrrelatos Escritos "Xirafa Rafa"

Hoxe fíxose entrega dos premios do I Concurso de Microrrelatos Escritos "Xirafa Rafa". Este concurso plantexouse na ESO con motivo do "Día das Bibliotecas" do pasado 24 de outubro.


Déronse tres accesits: á portada máis creativa, ao título máis orixinal, ao relato máis inxenioso e un primeiro premio á mellor obra.

 

 

 

 

 

 

 

 

 

 

 

 

 

Este concurso valora a creatividade literaria e tamén a gráfica.


Desexamos que os nosos alumnos participen nos vindeiros anos con igual interese e orixinalidade.


No blogue de secundaria podedes ver un pequeno video onde aparecen as obras gañadoras. 

Blogue da ESO

Os alumnos da ESO tamén están de estrea!!!

Nos vindeiros días poderedes comprobar como o seu blogue se pon en marcha.

Esperamos que vos sexa de grande utilidade!!! 

 

Saída cultural 3º e 4º da ESO

23/10/2013 - 00:45
23/10/2013 - 20:15
Etc/GMT+1

Os alumnos de 3º e 4º da ESO realizarán no día de hoxe a saída cultural do 1º trimestre.

Visitarán a Misión Biolóxica e o Museo de Pontevedra

Preme nos enlaces si queres ver máis información. 

 

Curso de Resucitación Cardiopulmonar

 

Os alumnos de 3º e 4º de ESO asistiron o día 23 de setembro a un curso de resucitación cardiopulmonar impartido por unha especialista do 061. Os alumnos tiveron unha parte teórica e outra práctica. Na parte práctica simularon cun maniquí as manobras de soporte vital que se deben facer a unha persoa inconsciente ata a chegada de axuda cualificada. 

COMEZO DO NOVO CURSO EN SECUNDARIA

16/09/2013 - 10:00
16/09/2013 - 12:00
Etc/GMT+1

O luns 16 de setembro de 10 a 12 terá lugar a presentación do novo curso para os alumnos de Educación Secundaria.

Graduación alumnos de 4º de ESO

FESTA DE GRADUACIÓN DOS ALUMNOS DE  DE ESO!   

   O día dezaoito pola tarde, tivo
lugar no colexio a despedida dos alumnos de 4º de ESO coa asistencia das súas
familias, relixiosas,
 profesorado e Pas, así como dunha representación da ANPA.

    Comezouse a festa cunha
Eucaristía na Igrexa do Rosario, para continuar cun acto académico nas
instalacións do centro.

   En primeiro lugar, o director
dirixiuse aos alumnos cunha emotiva alocución, ao tempo que lles desexaba
moitos éxitos  na súa nova etapa.

   A continuación, dúas alumnas en
representación do grupo amosaron o seu agradecemento polo recibido nestes trece
anos.

   De seguido, proxectouse unha
"PowerPoint" recollendo as imaxes máis representativas da súa
escolaridade.

   Continuouse coa imposición das "Becas" e
a entrega duns significativos agasallos do centro e da ANPA.

   Despois da foto de grupo, pasouse a compartir unha
merenda no comedor escolar.

   Moita sorte na vosa nova andaina! 

 

 

Encontros deportivos "Asunción" en Madrid

Esta fin de semana, 15 alumnos de 1º de ESO, 8 de 2º da ESO e 2 de 3º da ESO participarán nos "Encontros deportivos Asunción" que se celebrarán no Colexio de Santa Isabel en Madrid.

 Aquí podemos ver algunhas fotos da viaxe desta mañá.

Nesta podémolos ver visitando Tordesillas.

 

 

 

 

E nestas outras xa en Madrid.

 

Conferencia ex-parlamentarios

O día 8 de maio celebrouse no noso centro, unha mesa coloquio, na que participaron ex-parlamentarios dos partidos PP, PSOE e BNG, e moderada polo xefe de estudos do centro.

Nela os ex-parlamentarios explicáronlles aos alumnos algunhas das súas vivencias no parlamento e, posteriormente, os alumnos tiveron oportunidade de realizar diversas preguntas.

Tanto os ex-parlamentarios coma os alumnos quedaron moi satisfeitos co resultado do coloquio.

 

Distribuir contido