Inicio

Complementarias

NOVAS DE MÁLAGA

Xov, 01/05/2014 - 13:17 — tereteretere

Xa empezamos a recibir novas, e son boas:

 

 

VIAXE A MÁLAGA

Xov, 01/05/2014 - 11:30 — tereteretere
Un grupo de alumnos, profesores de ESO e relixiosas viaxaron onte a Málaga para participar nos encontros deportivos e culturais que se celebran con motivo do 150 aniversario da fundación do colexio. Durante tres días, competirán en distintos deportes, coñecerán a cidade e convivirán con máis de 3000 compañeiros dos colexios de toda España. Aquí tedes fotos da viaxe, a chegada e os primeiros momentos da mañá de hoxe. Iremos informando de todas as novas que xurdan. Moita sorte a todos!!!!

Encontro Asunción en Málaga by Slidely Slideshow

23 DE ABRIL. DÍA DO LIBRO.

Mér, 23/04/2014 - 14:01 — tereteretere
Hoxe recibimos no colexio unha visita moi especial. Con motivo da celebración do día do libro, acompañounos a escritora Rakel G. Alonso, antigua alumna do colexio e autora do recén publicado "los guerreros de Cómit, aventura en Lutecia", a súa primeira obra, que está tendo unha gran acollida. Con moita simpatía e cercanía, contounos moitas cousas sobre o proceso creativo e as súas inspiracións. Tamén contestou ás moitas preguntas que lle fixeron os alumnos de 3º ciclo e 1º e 2º de ESO. Varios alumnos xa o leran e fixeron moi boas críticas del, e outros moitos trouxeron os seus exemplares para que a autora llos dedicase. Felicidades, Rakel, e moitas grazas.

 

Presentación de Los guerreros de Cómit, aventura en Lutecia, de Rakel G Alonso by Slidely Slideshow

TRIVIAL XIGANTE.

Mar, 22/04/2014 - 21:30 — tereteretere

Xa chegou ao cole o trivial xigante de Sogama. Terémolo toda a semana, así que animádevos e botade unha partida, hai moitos premios en xogo e, ademáis, aprenderedes moito sobre a reciclaxe.

VISITA DO MAGO CARLOS COIRA

Mér, 09/04/2014 - 22:17 — tereteretere

Hoxe visitou o colexio o mago lucense Carlos Coira. fixo actuacións para os alumnos de Infantil e Primaria, e todos quedamos encantados cos seus trucos e o seu bó humor. Aquí podedes ver os mellores momentos da súa actuación.

 

Visita do mago Carlos Coira. on PhotoPeach

Viaxe de 2º de ESO a Gran Bretaña

Lun, 07/04/2014 - 15:51 — martinfilloy36
Sete alumnas e alumnos de 2º de ESO estarán no Reino Unido do 5 ao 10 de abril xunto con outros alumnos do Colexio da Asunción de Ponferrada. Durante a súa estancia, os alumnos estarán integrados nas clases dun colexio de Brighouse no condado de Yorkshire, participando nas actividades lectivas cos alumnos británicos e realizando visitas a Liverpool e outras localidades. Tamén terán tempo de lecer e actividades deportivas.
WebRep
currentVote
noRating
noWeight

VIAXE FIN DE ESTUDOS DE 4º DE ESO

Lun, 31/03/2014 - 18:11 — malena

O sábado día 29 de marzo, os alumnos de 4º de ESO, iniciaron a súa viaxe de fin de estudos.

Saíron da estación de tren de Sarria ás 20:00 horas, con destino a Barcelona. 

 

Fixádevos que contentos estaban!

Chegaron a Barcelona pola mañá para embarcar ás 4:30 no "Gran Holiday".

 Hoxe día 31, os alumnos pasarán toda a xornada na cidade francesa de Marsella. 

Aquí tedes o plano da viaxe e o mapa do seu percorrido.

 


Os nosos alumnos ao seu paso por Mónaco

 

 

Aquí están diante do Palacio Grimaldi; antes de ser recibidos polo Príncipe Alberto. Logo fomos entrevistados pola televisión local de Mónaco.

 

 

 

  En Italia visitaron Milán onde viron a catedral, a galería Vittorio Emanuele... En Florencia coñeceron a catedral, o pazo dos Medici, a Ponte Vecchio....Finalmente en Roma viron o Circo Massimo, o Coliseo, o Foro, o Panteón de Agripa, a Fontana de Trevi, a Piazza di Spagna....

Seguindo a tradición tiramos cada un unha moeda na Fontana de Trevi así que volveremos a Roma siccuramente e sempre para aprender e pasalo ben.

CHARLA DO SEPRONA

Dom, 30/03/2014 - 17:35 — tereteretere
O pasado venres 28 de marzo, un grupo de membros do SEPRONA acudiu ao centro para falar cos nosos alumnos e darlles a coñecer un pouco mellor a súa función e a importancia de coidar o medio ambiente. As charlas informativas estiveron adaptadas ás diferentes etapas e os alumnos estiveron moi atentos, interesados e amosaron que xa tiñan bastantes coñecementos sobre o tema. Queremos agradecer a este colectivo a súa colaboración e interese por formar aos nenos e xoves.

ABERTO O PRAZO DE INSCRIPCIÓN PARA O EXAME DE TRINITY.

Xov, 13/03/2014 - 19:44 — tereteretere
Ata o próximo día 24 de marzo, todos os interesados poden inscribirse para a realización do exame GESE de Trinity. Para calquer dúbida ou aclaración, podedes pasar por portería no horario habitual, e ademáis, premendo na imaxe, atoparedes información útil.

STA.Mª EUGENIA

Mar, 11/03/2014 - 00:03 — Andrea

O pasado luns, 10 de marzo, celebramos o noso gran día na Asunción, o día da nosa fundadora Sta. Mª Eugenia. Comenzamos a xornada cunha Eucaristía todos xuntos na Igrexa da Parroquia, degustamos a famosa "Torta da Asunción", e logo, como estes últimos anos estamos a facer, celebramos o X MARATÖN SOLIDARIO, este ano, patrocinando o proxecto de axuda a Iguguno (Tanzania).
Ademáis, este ano era un tanto especial, pois celebramos tamén os 150 anos da chegada da Asunción a España, concretamente a Málaga, baixo o lema "No suco do onte, a semente do mañá". Aquí tedes as fotos dos nosos campións do maratón, sen esquecernos de que TODOS son uns auténticos campións, pois son quen de entender que o importante é participar por unha causa tan importante coma a solidariedade cos máis necesitados.
Se queredes ver máis fotos, non deixedes de visitar os blogues.
GRACIAS POLA VOSA COLABORACIÓN E PARABÉNS A TODOS!!

 

 

 

FESTA DE ENTROIDO NO COLEXIO.

Sáb, 01/03/2014 - 10:46 — tereteretere

O venres 28 celebramos no colexio a festa de entroido. Pola mañá, o tema eran os superheroes dos cómics, e pola tarde, os alumnos de Educación Primaria viñeron disfrazados do que quixeron e pasaron todos xuntos un rato moi divertido. Atoparedes máis información na sección "blogues".

 

 

Premiados poema de Nadal da Biblioteca

Ven, 07/02/2014 - 16:48 — ruth

Hoxe foron entregados os premios do concurso "Poema de Nadal", organizado pola Biblioteca Municipal de Sarria.

Varios dos nosos alumnos foron premiados en distintas categorías.

Estes foron os premiados:

Claudia Rodríguez - 2º E.P

Lucía Vilela - 3º E.P

Lucas García - 4º E.P

Laura Castro - 4º E.P

Paula López - 4º E.P

Belén Garañana - 1º E.S.O

Elena Vilela - 1º E.S.O

Noa Sanmartín- 2º E.S.O 

Parabéns a todos!

OS PERIGOS DAS REDES SOCIAIS E O ACOSO ESCOLAR

Xov, 06/02/2014 - 18:19 — tereteretere

Hoxe, os alumnos do 3º ciclo de E. Primaria e os da ESO asistiron ás charlas ofrecidas por un especialista da unidade de delitos telemáticos da Garda Civil. Os alumnos de 5º, 6º e 1º de ESO recibiron información e consellos sobre o acoso escolar, como detectalo e como actuar ante el. Pola súa banda, os alumnos de 2º, 3º e 4º de ESO foron informados dos perigos das redes sociais.

 

Talleres da Unidade Terapéutica Educativa de Teixeiro

Xov, 06/02/2014 - 16:05 — martinfilloy36

Os alumnos de 3º e 4º de ESO asistiron a un obradoiro de prevención de consumo de drogas impartido por internos do centro penitenciario de Teixeiro. Os alumnos levarán a cabo a segunda parte do obradoiro no centro penitenciario o vindeiro martes día 11. Esta actividade está patrocinada pola fundación Barrié.

 

Equipo Asunción

Sáb, 01/02/2014 - 18:06 — ruth

Preséntovos ao noso equipo alevín de fútbol sala e ao seu adestrador David Arias. O equipo está formado por alumnos/as de 3º, 4º e 5º de E.P cargados de moita ilusión. Agardámosvos todos os sábados no polideportivo do Chanto.

ÁNIMO CAMPIÓNS!!!!!!!

 

 

 

DÍA ESCOLAR DA PAZ E A NON VIOLENCIA.

Xov, 30/01/2014 - 23:12 — tereteretere

Hoxe celebramos no colexio o Día escolar da Paz e a non Violencia. Este ano, co lema "apertas de paz", decoramos os corredores.

Aproveitando que todo o centro está a participar activamente nun proxecto de reciclaxe, decidimos decorar a nosa pomba con tapóns de plástico.

Reunímonos todos en torno á pomba e, un por un, todos os alumnos e profesores colocaron os tapóns ata cubrila por completo.
Os días previos, preparamos un "decálogo da paz" que leron alumnos de distintos cursos. Rematamos a actividade cantando todos xuntos a canción "los niños queremos la paz"
E así quedou a nosa pequena aportación na procura dun mundo mellor, en paz e sen violencia.

 

Teatro: "La Casa de Bernarda Alba"

Lun, 20/01/2014 - 16:54 — martinfilloy36

Os alumnos de ESO viaxaron a Lugo para asistir no auditorio Gustavo Freire a representación teatral "La Casa de Bernarda Alba" de Federico García Lorca.

 

 

CONCURSO DE DEBUXO INFANCIA MISIONEIRA

Lun, 20/01/2014 - 16:47 — tereteretere

Hoxe déronse a coñecer os gañadores da fase provincial do concurso de debuxo organizado polas Obras Misionais Pontificias. Aquí tedes as fotos das agraciadas, Ainhoa López, de 1º de EP, e Iria Bergantiños, de 5º de EP. Noraboa ás dúas.

 

"Operación Kilo"

Sáb, 21/12/2013 - 23:04 — marcos

Algúns alumnos de 3º e 4º da ESO do noso centro participaron activamente, onte venres pola tarde e hoxe sábado durante todo o día, na "Operación Kilo". 

A "Operación Kilo" ven promovida por Cáritas e desenvolveuse nos supermercados da vila. Os alumnos voluntarios solicitaban aos compradores que fixesen algunha doazón de alimentos non perecedoiros para as familias máis necesitadas.

Dende o centro queremos agradecer a todos estes alumnos o seu esforzo e a súa desinteresada implicación nesta campaña solidaria e, en especial a aqueles que tiveron que estar nas primeiras horas da mañá no exterior dun dos supermercados.

Grazas a todos!!! 

 

 

 

 

Saída de 3º e 4º de ESO a Belesar

Mér, 27/11/2013 - 12:17 — martinfilloy36
Os alumnos de 3º e 4º de ESO levaron a cabo unha visita didáctica a central hidroeléctrica de Belesar. Nestas instalacións vimos os sistemas de control e de xeración de enerxía eléctrica que aproveita este salto de auga.
« primeira‹ anterior1234567seguinte ›última »
Distribuir contido