Dende o colexio da Asunción queremos dar as gracias a María del Carmen Caldeiro Pedreira, polo recoñecemento que fixo ao noso colexio.
María del Carmen Caldeiro menciona, no artigo "Critical literacy and media skill in learning emerging contexts", da revista on-line "Academic Publishing Platforms" o traballo feito no noso colexio no "Plan Lector", como exemplo de iniciativa para fomentar a lectura e os hábitos de traballo.
Grazas, María del Carmen!!!
Do 14 de febreiro ata o 21 de febreiro estará aberto o prazo para matricularse nos exames de Trinity ou Cambridge. Como sabedes, levamos once anos sendo centro examinador Trinity, e dende o pasado curso entramos a formar parte do National Schools Project e tamén somos centro preparador Cambridge, polo que tedes a posibilidade de elexir entre os dous. Por iso, deixamos aquí enlaces con información para que vos decidades polo que máis vos interese, e tamén dous enlaces de normativa para o exame Cambridge. En portería tedes toda a documentación necesaria, e os profesores de inglés están á vosa disposición para aclarar calquera cuestión que vos xurda. Non dubidedes en pasar polo centro e preguntar todo o que queirades.
Cambridge (young learners)
Cambridge (KET for schools)
Cambridge (PET for schools)
Cambridge (FIRST for schools)
Xa están dispoñibles as datas para realizar os exames externos de inglés que ofertamos dende o colexio:
-Os exames de Cambridge, para todos os niveis, terán lugar o sábado 28 de maio. No caso de que a alguén lle resulte imposible presentarse a esta convocatoria, temos á vosa disposición en portería os lugares e datas das convocatorias abertas en diferentes centros preparadores de toda Galicia para que vos poidades examinar noutra data.
-Os exames de Trinity, para todos os niveis, terán lugar o xoves 2 de xuño.
En canto teñamos os horarios de cada proba informaremos persoalmente aos interesados e poñerémolos á vosa disposición a través da páxina e de facebook. Mentras tanto, para calquera consulta achegádevos á portería do centro.
Lembramos a todas as familias interesadas, que como nos últimos anos, a Consellería de Cultura, Educación e Ordenación Universitaria, ven de convocar un total de 682 prazas en estadías de formación lingüística en lingua inglesa para alumnado de Educación Secundaria Obrigatoria (ESO) e Bacharelato.
O prazo para inscribirse nesta actividade estará aberto ata o vindeiro 29 de abril. Os requisitos poden consultarse no Diario Oficial de Galicia, no seguinte enlace:
Reunión cun representante de “Cambridge English Language Assessment” na que se informará detalladamente de todo o relacionado coa preparación, niveis e organización.
Co afán de continuar coas actividades de innovación educativa no noso centro, informámosvos de que, a partir deste curso, ademáis de centro preparador para as probas orais do Trinity, tamén somos centro preparador para as probas Cambridge. Se queredes máis información podedes premer na imaxe que tendes a continuación e tamén acceder a súa propia páxina a partir do icono que tendes no lateral esquerdo da nosa páxina.
Despois de dous intensos días de exames no colexio, hoxe entregamos as notas aos rapaces que se presentaron aos diferentes niveis de Trinity, e estamos moi orgullosos das excelentes calificacións obtidas e da alta porcentaxe de aprobados, sobre todo tendo en conta a elevada participación. É para nós unha gran satisfacción dar estas boas novas aos nosos alumnos e ex-alumnos. Parabéns a todos e seguide así
Os próximos días 3 e 4 de xuño terán lugar os exames de Trinity no colexio. En breve teredes á vosa disposición os horarios de cada nivel. Para calquer consulta, poñédevos en contacto con secretaría ou cos titores.
Esta madrugada, un grupo de alumnos de 2º e 3º da ESO do noso centro, xunto con alumnos do colexio de Ponferrada, parte cara Brighton para acodir a un curso de inglés.
A Xunta de Galicia acaba de convocar prazas para a realización de actividades de formación en linguas estranxeiras para alumnos de Educación Secundaria e Bacharelato. Trátase de campamentos de inmersión lingüística de unha ou dúas semanas de duración. Premendo na imaxe accederedes a toda a información e á solicitude da axuda. Para calquera cuestión, non dubidedes en achegarvos ao centro.
O noso é un centro plurilingüe. Se queres coñecer este proxecto preme aquí.
O noso centro é centro examinador do Trinity, preme eiquí para ter máis información.
Lyrics Training is an easy and fun method to learn and improve your foreign languages skills like english through the music and lyrics of the songs.
Premendo na imaxe accederedes a unha páxina moi interesante na que, a través de letras de cancións, podedes practicar a vosa comprensión oral e expresión escrita. Probádeo.