Os alumnos de 4º da ESO asistiron o pasado día 3 de marzo á charla Que é un medicamento? Cómo se descubre?. Podedes ver a noticia no blogue da ESO.
Os alumnos de 3º e 4º de ESO visitaron a central hidroeléctrica de Belesar. O persoal desta central explicou o funcionamento das instalacións e o proceso de producción de electricidade. Os alumnos visitaron posteriormente unha fábrica de maquinaria en Monforte de Lemos. Esta industria diseña e produce máquinas de precisión para diversas ramas industriais.
O xoves, 10 de novembro, os alumnos e alumnas de 5º EP visitaron o supermercado para realizar a actividade "visita o teu super". Os nenos e nenas coñeceron aspectos relacionados coa organización das seccións e cos productos existentes nelas, así como hábitos saudables, normas de seguridade no traballo e mesmo os beneficios de comer peixe.
Despois dun refrixerio saudable tiveron que empregar os sentidos para identificar froitas autóctonas e tropicais.
Hoxe os nen@s de Educación Infantil iremos a Barreiros.
A saída será a partir das 9:30 h e a volta ás 16 h.
O noso equipo de 3º da ESO do Rally Matemático fixo un gran traballo na Facultade de Química de Santiago, onde se celebrou a final do Rally Matemático.
A pesares do gran esforzo quedaron a escasísima distancia do equipo gañador, co que conseguiron un nada desprezable segundo posto.
Sodes igualmente uns campións por quedares de segundos dun gran número de colexios participantes.
Noraboa polo voso bo traballo!!!
Se queredes ver máis fotos premede na que vos deixamos a continuación.
Os alumnos de 3º e 4º de ESO, acompañados dos respectivos titores, visitaron as instalacións da multinacional Alcoa en San Cibrao e a localidade de Mondoñedo.
En Alcoa visionaron un video explicativo e posteriormente, acompañados de dous inxenieiros da fábrica, recibiron información pormenorizada do proceso de transformación da bauxita en alúmina e posteriormente en aluminio. Antes de marchar fomos invitados a prantar unha árbore como lembranza da nosa visita.
En Mondoñedo poideron visitar a catedral e o casco histórico desta localidade.
De novo dentro do programa "A ponte entre o Ensino Medio e a USC" e despois de xa ter realizado uhna charla sobre Relatividade e Gravitación, organizouse o venres 23 de xaneiro, para os cursos de 3º e 4º da ESO, unha charla temática sobre os constituintes básicos da matéria: os átomos e os núcleos atómicos co suxerente título de "Dende o corazón da materia ó interior das estrelas".
Para esta charla contamos coa presenza de Hector Álvarez Pol, profesor do Departamento de Física de Partículas da Universidade de Santiago de Compostela, que dunha maneira moi asequible contounos os segredos dos átomos e dos núcleos dos mesmos, dende como é a súa estrutura ata como se formaron no interior das estrelas todos os elementos que coñecemos. Tamén nos contou as aplicacións da Física nuclear así cómo as liñas de investigación sobre este tema na USC.
Agradecerlle a Hector a súa dispoñibilidade e amabilidade que mostrou na súa visita ó Centro.
Dentro do programa "A ponte entre o ensino Medio e a USC", realizouse para o alumnado de 4º da ESO unha charla sobre Relatividade e Gravitación, aproveitando o centenario da exposición da Teoría da Relatividade por parte de Albert Einstein.
Para elo contamos coa presenza de Javier Mas Solé, profesor do departamento de Física de Partículas da Universidade de Santiago de Compostela, que comentou os inicios da vida de Einstein e tamén explicou dunha maneira moi clara e amena as bases da Teoría da Relatividade.
Os alumnos e alumnas mostraronse moi atentos, facendo interesantes preguntas ó final da charla. Así mesmo agradecemos a Javier Mas a súa dispoñibilidade e simpatía na visita que nos fixo ó Centro.
Os alumnos de 3º e 4º da ESO realizaron unha saída Bio-Xeolóxica pola Serra do Courel. Para elo primeiro visitamos en Quiroga o Museo Xeolóxico e o Museo Etnográfico de dita localidade. Posteriormente nos diriximos cara a Serra do Courel para observar o gran pregamento xeolóxico de Campodola-Leixazós, así mesmo adentramonos na devesa da Rogueira, comentando tamén os efectos da última glaciación, e para finalizar baixamos a fervenza de Vieiros.
Unha bonita excursión da que poderedes ver máis fotos na nosa Galería Fotográfica nos vindeiros días.
O pasado xoves 19 de novembro, os alumnos de 3º e 4º da ESO, asistiron no colexio a unha sesión de videostreaming titulada "Dos átomos á luz: unha exploración". Esta retransmisión simultánea online foi promovida por Tecnópole, con motivo do 10 aniversario da Galiciencia.
Foi a mesma charla que os seus compañeiros de 1º e 2º da ESO puideron visionar en directo pola tarde.
A actividade resultou un éxito, de seguro volveremos a participar en iniciativas deste tipo.
O pasado xoves 19 de novembro, os alumnos de 1º e 2º da ESO realizaron a saída cultural do primeiro trimestre.
Pola mañá recorreron as rúas de Ourense realizando varias actividades propostas dende as materias de Sociais e Plástica, e pola tarde, visitaron á Galiciencia, con motivo da súa selección entre varios centros, onde tiveron que realizar unha actividade proposta dende a materia de Ciencias Naturais.
A Galiciencia é a maior feira científica de Galicia. Está patrocinada pola Consellería de Economía e Industria e a Fundación Española para a Ciencia e a Tecnoloxía (Fecyt). Esta feira celébrase no Parque Tecnolóxico de Galicia (Tecnópole). Este ano tivo especial relevancia porque celebraba os seus 10 anos de historia, co que o número de actividades que realizaron foi máis numeroso que en pasadas edicións. De feito no noso centro xa participamos en varias delas no curso pasado.
Puideron visitar a feria de experimentos, asistir a unha charla titulada "Dos átomos á luz" e ver unha demostración de diversas experiencias relacionadas coa luz por ser éste o "Ano internacional da luz".
A charla "Dos átomos á luz" que os alumnos de 1º e 2º puideron ver en directo pola tarde, puiderona ver os alumnos de 3º e 4º da ESO pola mañá en videostreaming.
Foron unhas actividades moi ben estruturadas e que captaron a atención dos nosos alumnos dende o primeiro momento.
Se queredes ver como o pasaron, premede no seguinte enlace e poderedes ver as fotos na nosa galería.
O pasado 4 de novembro celebramos no noso centro o "Día da Ciencia en Galego"
Para iso realizouse, para os alumnos de 3º e 4º da ESO unha videoconferencia, promovida pola Coordinadora Galega de ENDL, que levaba por título "A máquina que constrúe a mente e a realidade".
O relator foi Xurxo Mariño Alfonso, biólogo e Doutor en Ciencias Biolóxicas pola Universidade de Santiago de Compostela (1998) e profesor do Departamento de Medicina da Universidade da Coruña. Ademáis é especialista en neurofisioloxía e forma parte do grupo de investigación Neurocom, entre outros.
Xurxo Mariño tentou dar resposta a preguntas como: Cómo funciona esa máquina da mente? A onde vai o “eu” cando durmimos? Poden construírse máquinas artificiais que teñan mente?
Foi unha actividade moi interesante e instructiva para os nosos alumnos, os cales estiveron moi atentos e concentrados ao longo de toda a videoconferencia.
Onte pola mañá recibimos no colexio a visita de Beatriz Ríos, que impartiu aos alumnos de 3º e 4º de Ed. Primaria unha actividade titulada "O doce mundo do mel en Galicia".
Dita actividade consistiu no visionado de imaxes, a explicación da producción do mel, a exposición dos materiais necesarios e ata un alumno probou un traxe de apicultor.
Finalmente os alumnos/as foron agasallados cun tarriño de mel, o cal puideron degustar no momento.
Hoxe celébrase en Santiago a final do Rally Matemático. Acudirán 8 alumnos de 2º da ESO.
Dende a organización do Rally Matemático enviáronnos diversas imaxes do día da proba. Aquí tendes unha selección daquelas nas que se pode ver aos nosos alumnos (aínda que sexa de lonxe).
Onte celebrouse en Santiago a final galega do Rally Matemático. Os noso grupo de alumnos de 2º da ESO fixo un grandísimo traballo a pesares de que non puideron contar coa presenza de todos os membros do equipo.
Dende o centro dámoslle a noraboa polo bo traballo que fixeron e o grande esforzo que realizaron.
Noraboa a todos!!!
Estamos de noraboa!!!
Un grupo de alumnos de 2º de ESO, formado por Miguel, Álvaro, María García, Marcos, María Rodríguez, Helena Román, Elena Vilela e Valeria, pasaron a fase de centro do rally de matemáticas sen fronteiras convocado por Igaciencia.
O día 8 de abril asistirán á final galega e á entrega de premios na Facultade de Química de Santiago.
Agardamos que teñan moita sorte!!!
Ademais debemos agradecer tamén a participación dos demais grupos no rally. Aínda que este ano non pasaran á fase final xa lles valeu de entrenamento para a do ano que ven.
Noraboa a todos!!!
Para ver a nova na propia páxina de Igaciencia premede aquí
Seguindo coa celebración de novembro como mes da ciencia, hoxe os alumnos de 3º e 4º da ESO acodiron a Deputación de Lugo ao obradoiro "Sensores para todos".
Dito obradoiro foi organizado por Igaciencia e nel o que fixeron foi utilizar distintos sensores para obter medidas e a continuación poder establecer distintas leis físicas.
Primeiro aprederon a manexar os robots NXT e despois realizaron varias experiencias de captura de datos (dattalogging). Esta actividade propúxonos que se interrelacionaran varias materias fomentando así a interdisciplinariedade. En concreto implicáronse as ciencias STEM, Matemáticas con representación de datos, Física con toma de datos físicos (son, temperatura, humidade, distancia, ....), Tecnoloxía cos propios aparatos que se empregaron e incluso o Arte vendo a obra da pintora Bridget Riley, figura destacada dentro do movemento artístico Op Art.
Foi unha actividade moi ben organizada e moi instructiva.