CPR PLURILINGÜE NOSA SEÑORA DA ASUNCIÓN SARRIA Centro Católico Privado Concertado

Informámosvos, a todos os interesados, que a lista provisional dos admitidos no fondo solidario de libros para Educación Primaria xa está dispoñible para a súa consulta na Secretaría do centro.

A lista provisional do fondo solidario de libros para Educación Secundaria non será elaborada pola Consellería de Educación ata o mes de setembro. No momento que a publiquen comunicarémolo a través da nosa web. 

Todos aqueles que esteades interesados en adquirir os libros de texto ou material do colexio a través de Scholarum, sabede que xa tendes a vosa disposición o listado completo de libros de todolos cursos do colexio, na páxina da librería online.

Recordade que para acceder a ela podedes premer no icono  situado na marxe esquerda desta web ou ben na dirección www.libreriaasuncionsarria.es.

Sexades de praia...

ou de montaña...

Desfrutade do verán!!!

Listado de libros e material para EI e EP

Listado de libros e material para 1º ESO 

Listado de libros e material para 2º ESO 

Listado de libros e material para 3º ESO 

Listado de libros e material para 4º ESO  

Como podedes ver na parte esquerda da nosa páxina web, xa temos a disposición das familias interesadas, un enlace para que podades acceder á librería Scholarum.

Estes son os horarios das probas de xuño. 

As materias pendentes doutros cursos realizaranse no horario da materia correspondente.

Os boletíns de notas de EP entregaránse o mércores 22 de xuño en horario de 12 a 14 h.

Os boletíns de notas da ESO entregaránse o luns 27 de xuño en horario de 12 a 14 h. 

Hoxe pasaremos unha tarde do máis divertida coa festa que o ANPA do noso colexio nos ten preparada.

Pero debido as condicións meteorolóxicas non a celebrarán no patio do noso centro, senón no pabillón dos institutos. 

Estades preparados para pasalo ben???

Agárdannos a todos ali a partir das 17:00. Non vos esquezades!!!

Todos aqueles alumnos de actividades extraescolares, lembrade que mañá é o último día para entregar a autorización para a festa de clausura das actividades extraescolares deste ano.

Hoxe celebramos no noso colexio a graduación dos alumnos de 4º da ESO.

Comezamos cunha celebración na Igrexa do Rosario e a continuación voltamos ao colexio para, despois dunhas palabras do director, ver unha presentación onde se resumían os anos pasados no centro.

E finalmente compartimos unha estupenda merenda.

Foi unha tarde moi emotiva e chea de recordos. 

Aquí vos deixamos unhas pouquiñas fotos para que vexades o estupendos que estaban os nosos alumnos!!!

Desexámosvos moita sorte no novo camiño que emprendedes!!! 

Estimadas familias: 

Informámosvos de que de cara ao próximo curso, a empresa de distribución Scholarum, pasará a ser un novo colaborador do noso colexio como xa o é dos outros colexios da Asunción de toda España.

Esta empresa proporciona, entre outros, un servizo de librería "online", a través da cal, as familias que o desexen poderán adquirir os libros e material escolar do noso colexio na seguinte dirección www.libreriaasuncionsarria.es.

Este servizo non é exclusivo nin obrigatorio. As familias poderán adquirir os libros e o material do colexio na librería que estimen oportuno.

 A través de Scholarum poderedes:

- Realizar a compra de libros e material escolar dende a casa, tanto a través da anterior web como dun teléfono que atoparedes na propia web de Scholarum.

- O envío realizarase o día que se elixa e entregarase na dirección indicada, que pode ser a do colexio.

-  O pago poderá fraccionarse en tres prazos, sen ningún coste adicional para os pedidos realizados antes do 15 de agosto. Pagarase un 10% no momento da compra e o resto entre os meses de setembro e novembro.

- Poderase facer uso dos vales de axuda para a adquisición de libros e material concedidos pola Consellería de Educación.

Un saúdo

O director 

Celebramos de novo a semana da froita na escola, repartindo cada día
unha froita diferente a todos os alumnos do colexio. Aquí podedes atopar
unha ficha con información sobre a froita de cada día, ademáis de xogos
e actividades para aprender máis sobre hábitos saudables.

Venres: mazá vermella.Premede na imaxe para ver información sobre esta froita.

Xogos:

-Alimentatraining

-A batedora

-O caleidoscopio

-O frutixogo