CPR PLURILINGÜE NOSA SEÑORA DA ASUNCIÓN SARRIA Centro Católico Privado Concertado

Onte, venres 20 de febreiro, os alumnos/as de 5º e 6º de EP realizaron o obradoiro "DOCES TENTACIÓNS", enmarcado dentro das actividades de Asuntillos deste curso.

Como auténticos reposteiros, e coa axuda dos monitores (alumnos/as de 3º e 4º da ESO e antigos alumnos do cole), todos os alumnos/as lograron facer os cinco postres propostos: piruletas de plátano, ourizos, bufos, ovos fritidos con patacas e froitas con iogur.

Ao final, cada un degustou o seus postres realizados e recolleron cadanseu diploma.

Mirade como disfrutaron... 

O venres
30 de Xaneiro, os alumnos de 3º e 4º de Primaria, participaron nunha nova
xornada de Asuntillos, nada máis e nada menos que “Masterchef  Asunción”.

Entre
todos elaboraron varias receitas de cociña, cambiando cando soaba o sinal, para
que todos puidesen ver a elaboración de todos os pratos.

Elaboraron
tamén unha orixinal tulipa de chocolate de xeito individual, onde cadaquén,
tivo que dar renda solta a súa imaxinación decorándoa o mellor posible para
gañar así, o primeiro premio da “I Edición Masterchef Asunción”.

Os nenos
participaron moi activamente na actividade, disfrutando moito, e sendo axudados
polos monitores de 3º e 4º da ESO e tamén antiguos alumnos do cole, que
colaboraron moitísimo na elaboración das receitas, facendo de xurado e elexindo
ao gañador.

     O venres 21 de Novembro de 2014, os alumnos de 5º e 6º de
Educación Primaria, participaron na actividade Pasapalabra, enmarcada dentro do
programa de Asuntillos Asunción.

     Consistiu en
dous roscos con todas as letras do abecedario. No primeiro rosco puxéronse
definicións adaptadas aos seus cursos (5º e 6º) para as que os rapaces
tiñan que buscar a palabra adecuada sabendo a letra pola que comezaba.

     O segundo rosco foi moito máis divertido, con probas de habilidade, razoamento,
adiviñas, explicar películas sin usar as palabras tabú en cada caso e por
ultimo probas de caracterización.

     Divertíronse moito e
compartiron unha tarde de xogo e relación entre eles e cos monitores
(alumnos de 3º e 4º de ESO e 1º de BAC). Proba delo son as seguintes imaxes da velada:

 

O venres, 24 de outubro, os nenos de 5º e 6º de EP realizaron un obradpoiro de cociña. Imos ver o ben que o pasaron...

Comezamos "Asuntillos" 2014-2015" cun especial sobre Halloween. Premede na imaxe para xogar.

E aquí tedes as fotos de todo o que fixemos hoxe: un obradoiro de Halloween/Samaín con cabazas, morcegos, pantasmas, telarañas e caramelos. Pasamos unha tarde estupenda facendo a decoración para os corredores do piso, e contamos coa axuda dos monitores de 3º e 4º de ESO e de antiguos alumnos que nos axudaron moito. Grazas!!

Os pasados venres 23 e sábado 24 de maio, un grupo de alumnos de 3º, 4º e 5º de Primaria que forman parte de Asuntillos, viaxaron a León con catro dos seus monitores de 3º e 4º de ESO e dúas profesoras para asistir á convivencia organizada para os colexios da zona norte. Tamén asistiron alumnos dos colexios de León e Ponferrada. A experiencia resultou moi motivadora e positiva para os alumnos, que entre outras cousas, fixeron unha gincana románico-gótica pola cidade leonesa.

O pasado mércores, 12 de xuño, celebramos a despedida de Asuntillos deste curso 2012-2013.

Tanto os alumnos/as, pre-monitores coma os profesores disfrutamos dunha sorprendente tarde, na que, tras realizar diferentes probas dunha "gymkana" pola vila de Sarria, os participantes recibiron cadansúa medalla.

Os pre-monitores tamén recibiron o seu diploma como recoñecemento á súa labor e aportación durante todas as actividades de Asuntillos deste curso.

Para finalizar merendamos todos xuntos nas pistas do colexio.

Hoxe, sábado 4 de maio, realizamos a "Ruta en bicicleta" do grupo Asuntillos.

Pasamos unha moi boa mañá xa que o día foi moi bo.

Divertimonos moito coa ruta que os monitores nos tiñan preparada e finalmente todos os participantes recibiron un diploma!!!.

A continuación tendes as fotos desta xornada! 

Que é Asuntillos ?

Este curso 2012-2013 iniciamos  ASUNTILLOS gracias á colaboración de moitos mestres do centro e relixiosas.

O noso o obxetivo é crear un espacio, dentro da pastoral da Asunción, onde nenos e rapaces do colexio podan aprender e gozar do ocio e o tempo libre dun xeito san e divertido.

Está destinada a alumnos de 3º e 4º EP, dirixidos por monitores de 3º e 4º de ESO, antigos alumnos do colexio, e profesores responsables da actividade.

Entre as actividades que se levan a cabo, destacamos as segiuntes: obradoiros de cociña, obradoiros de teatro, música e canto, identificación das plantas, rota en bicicleta, sendeirismo, obradoiro de barro,...

Aquí tedes o calendario de actividades.

Tamén, en breve, deixaremos a vosa disposición as diferentes actividades e obradoiros que xa se levaron a cabo, asi como fotos que demostran a ledicia e satisfacción dos nenos e nenas.

OBRADOIRO DE COCIÑA

Venres, 13 de novembro de 2012 

Era o comezo de ASUNTILLOS! Todos estabamos emocionados e preguntabámonos, como iría  todo.

Os monitores  prepararon os grupos para comezar a actividade. Con eles, farían mantelos e gorros para o obradoiro de cociña. Tamén lles comentaron unhas normas moi propias da cociña. E con todo isto, marcharon  todos á cociña. Como tiñamos a catro “Súpercociñeiras” cada grupo foise cunha delas.  Aprenderon a preparar  diversos platos que despois probarían e así terminariamos o obradoiro de cociña. Antes, entregóuselles a cada un un diploma de “Bo cociñeiro”. Tamén se lles deron as receitas  do que prepararan na cociña. E todos marcharon felices co seu mantelo, gorro, as receitas e co seu diploma.

OBRADOIRO DE TEATRO

Venres, 14 de decembro de 2012

Co entusiasmo do primeiro obradoiro, os rapaces chegaron dispostos a pasalo ben e a facer teatro. Os monitores, xunto coas mestras, prepararan a actividade: tres obras  de teatro e así terían que distribuír aos participantes. Ubicáronse en tres espazos e en cada un dos grupos repartíronse os papeis da obra, e tamén prepararon os decorados, pois acordouse que se ían  representar cada unha das obras e convidar para asistir a velas. E así foi. Os rapaces fixérono estupendamente e tiveron o seu diploma en “Artes escénicas”. Os pais marcharon encantados  e riron moito na representación.

OBRADOIRO DE MÚSICA

Sábado, 23 de febreiro de 2013

E este sábado, tiñamos Música. Os alumnos/as chegaron coas frautas. E, ao son da música, tocaron, bailaron e cantaron. Todos entusiasmados polo que lograran harmonizar. Os monitores participaron, como sempre, axudando aos mestres e dirixindo aos grupos á hora do baile. E como non... !!! O diploma en música non podía faltar. Cada vez que teñen un diploma, os cativos marchan felices. E ata o próximo Asuntillo!

OBRADOIRO DE MANUALIDADES

Vernres, 15 de marzo de 2013

O tempo non nos axudou a preparar a actividade que tiñamos prevista: unha saída ao campo para identificar plantas e flores. Converteuse nun “obradoiro sorpresa", un obradoiro de manualidades. Prepararon as mestras e os monitores o material; con fieltro cortáronse algúns modelos de flores, follas, etc. Con todo ese material, podían facerse colares, pulseiras,... e os nenos, ao rematar, ofrecíanllos ás súas nais. Un bonito agasallo!  Foi outro tipo de obradoiro que gustou e do cal marcharon encantados.

OBRADOIRO DE BARRO

Vernres, 12 de abril de 2013

Tivemos que axustar os obradoiros e o obradorio resultou xenial: un obradoiro para modelar barro. Os monitores, cos mestres, prepararon o material: uns mantelos para non mancharse, xornais para cubrir as mesas, e uns baldes de auga. Os rapaces estaban case ao completo (de 31 que forman o grupo estaban 29). Foi un éxito total. A creatividade, a posibilidade de manipular barro,... resultoulles moi agradable. Estes nenos e nenas de 3º e 4º de EP son incríbles! .  Foron expostos todos os traballos realizados por eles e cada un puxo un nome aos seus modelados. De novo, a imaxinación que teñen déixanos abraiados.