marcos serrano

Marcos Antonio Serrano Rodríguez, (Chapela, 1972) é ciclista profesional dende o ano 1993. Comezou no equipo Kelme da man do ponteareán Álvaro Pino. Manolo Sainz levouno ó equipo ONCE en 1999. Na actualidade milita no Liberty Seguros, equipo herdeiro do ONCE.

Especialista na montaña, a súa condición de gregario de luxo e por tanto ter que traballar para o líder do seu equipo impídenlle lograr grandes títulos. A pesar disto gañou a Volta Ciclista a Galicia en 1999 e a Vuelta ciclista a Castilla y León en 2001, e terminou 9º no Tour de Francia no mesmo ano.