A forma das nubes. Lara Reboredo

Autora: María López Sández.

'''Texto argumentativo.'''

O libro, " A forma das nubes", resulta moi interesante. Por unha banda é un libro que che fai reflexionar acerca de diferentes momentos da vida e, por outra, faiche ver que os soños poden cumprirse. Mais con iso non queremos dicir que o libro chegue a gustar na súa totalidade. A súa estrutura, por exemplo, fai que non chegues a comprendelo moi ben. O feito de pasar dunha etapa a outra da vida da personaxe fai que o libro sexa un tanto incomprensible. Outra das cousas de menor grao son o feito de que a autora da novela empregase as iniciais no lugar do nome completo. Que non se soubese a causa da loucura da nai, que non se identificase o home co que a actriz se deitou ou que non se tratase máis a fondo o tema familiar tampouco é grato. Algunhas das escenas contadas no libro tampouco contribúen a que o comprendas mellor xa que máis ben causan tristeza. Que a actriz xogase cos sentimentos da rapaza, que esta non se levase ben coa súa nai ou que esta última fose devorada por uns cans son algúns exemplos. En fin,é un libro bastante duro á hora de lelo. Mostra como a rapaza, debido á escena que observa por parte da actriz e á morte de súa nai cambia a súa concepción do amor, iso tamén resulta un tanto estraño. 
No entanto, este libro tamén ten cousas boas, como sinalamos ao principio. A rapaza, a pesar de todo consegue o seu soño que era coñecer a esa actriz que tanto lle gustaba. Grazas a ela consegue un papel na súa película e goza dunhas marabillosas vacacións. Por moi malos momentos que estivese a pasar coa súa nai a rapaza comprendeu que non todo na vida é fácil. Por outra banda, a relación que ten co seu irmán pequeno resultou moi bonita. O feito de que lle contase os contos a pesar do pesado que era seu irmán con ela deixa entrever o boa que era a personaxe. No entanto, cando xa chega á súa etapa adulta esa bondade desaparece e non volve xurdir ata que coñece a aquel home que a namora.
En conclusión, resulta ser un libro algo envurullado e triste, mais o feito que se logre comprender totalmente podería ensinar moitas cousas.

'''Texto expositivo.'''

É este un libro da autoría de María López Sández titulado "A forma das nubes". Nel podemos observar diferentes etapas da vida da personaxe. Por unha banda cóntanos como na súa nenez ela e a súa familia emprenden unha viaxe nun cruceiro. Alí, xa no primeiro día de vacacións ve como a súa actriz favorita tamén está nese cruceiro. Con toda a súa ilusión tenta acercarse a ela e grazas á súa insistencia e esforzo logra ser selecionada para gravar unha escena con dita actriz. Tras rodar a película vaise facendo amiga da súa admirada actriz pero está tan hipnotizada con iso que non se decata de que a súa nai se está volvendo tola. Logo de ver como a súa nai racha os seus vestidos favoritos ve como a actriz se deita cun home que non coñece e debido a iso cambia a súa concepción do amor. Entre todos estes sucesos ela aínda saca tempo para contarlle historias ao seu irmán pequeno. 
Por outra banda, a novela fala tamén da etapa adulta da personaxe principal. Amósanos como, logo daquel cruceiro toda a súa vida cambiou. A súa nai foi devorada por uns cans mentras tentaba escapar do manicomio no que estaba interna e ela perdera o contacto con seu pai. Tiña medo a calquera relación na que puidese existir un pouco de amor e polo tanto deitábase cos homes que sabía que nunca podería chegar a sentir nada por eles. Por iso, no momento no que desexa ter un fillo elixe a un home que nunca volverá ver na súa vida. Cando por fin coñece a alguén do que si se namora este abandónaa e ela, logo diso, vai visitar todos os días a xa anciá actriz que coñecera na súa infancia. Tínguelle o pelo e levalle batas para que a actriz se vexa igual de guapa que cando era nova.


 























[[Categoría:Literatura Galega.Lecturas opcionais.4ºESO]]