O xoves 7 de febreiro de 2013, e por segundo ano consecutivo, realizamos unha reforestación con árbores autóctonas (100 carballos e 23 castiñeiros) na parcela cedida polos nosos colaboradores da Comunidade de Montes en Man Común de San Miguel de Tabagón e Pías (O Rosal) e grazas á participación no Programa Voz Natura “BUSCA ALTERNATIVAS”. A finalidade é levar a cabo unha estratexia ReC, isto é, reducir e compensar a pegada ecolóxica, esas 657 toneladas de CO₂ emitidas polo centro o curso pasado, ademais de crear un espazo de lecer.

Escoita a entrevista en RadioVoz no día da reforestación.

Grazas e noraboa a todos e a todas.

Estrategia ReC, Reducir e Compensar a Pegada Ecolóxica

Durante o pasado curso académico 2010-2011, un grupo de traballo composto de Profesores do IES A Sangriña calcularon a Pegada Ecolóxica Corporativa do Centro. A partir dos datos de consumo de electricidade, papel, gasoleo de calefacción, mantemento do centro e mobilidade e empregando os índices conversores do Panel Intergubernamental sobre o Cambio Climático da ONU o cálculo da Pegada Ecolóxica permitíu estimar que o IES A Sangriña produce anualmente 652 toneladas de CO₂, o principal gas causante do efecto invernadoiro. A mobilidade é a responsable da mayor parte destas emisións (77%).

Tendo en conta a cantidade de CO₂ que o bosque galego-atlántico é capaz de absorber por unidade de superficie, a Pegada Ecolóxica do IES A Sangriña é de 104 hectáreas.

A Pegada Ecolóxica do IES A Sangriña, calculada o ano pasado, permitíu establecer a estratexia ReC de reducción e compensación das emisións de gases de efecto invernadoiro. Nesta liña o IES A Sangriña desenvolve o Programa Voz Natura no que participa o Centro xunto coa comunidade escolar de Galicia na recuperación e defensa da natureza e na que colabora a Guardia Civil a través do SEPRONA, este xoves 26 impartíuse unha charla sobre PREVENCIÓN de INCENDIOS FORESTAIS para alumnos de 1º e 2º ciclo da E.S.O.

Relacionados con este programa o xoves 23 de Febreiro realízaremos unha REFORESTACIÓN para compensar a nosa pegada ecolóxica en colaboración Co Centro S. Xerome, a Comunidade de Montes en Man Común de Tabagón e o Servizo Provincial de Montes. Se queres participar nesta actividade de reforestación ponte en contacto coa Xefatura de Estudos.