Dinamización da Biblioteca

Compoñentes do Equipo de Biblioteca 2016-2017

   
   
   
   
   
   
   
   
   
   
   
   
   
   
   
   
   
   
   
   
   

Semana do libro. Homenaxe a Agustín Fernández Paz

23/04/2017 - 10:00
Etc/GMT+1

 

O día 23 de abril foi o Día do Libro. Nós quixemos dedicarlle a esta importante celebracióntoda unha semana, e foi a última semana do mes de abril a que escollemos no noso centro.
Por este motivo e co desexo de introducir a actividade de lectura continuada dun libro durante dúas horas de clase, quixemos facer unha homenaxe ao escritor Agustín Fernández Paz, un dos autores máis lidos en todos os centros de ensino do país, tristemente desaparecido no pasado verán.

Levamos a Biblioteca para o vestíbulo: nunha mesa dispuxemos os libros do autor que o noso alumnado le ano tras ano; colocamos arredor paneis con murais realizados por alumnas e alumnos de 1º ESO, e outros feitos desde a Biblioteca con información e imaxes sobre o autor e as súas obras. Logo, animamos ao alumnado de 1º ESO a ler alí e a escoitar, durante dúas horas continuadas, diversos relatos dos libros Contos por palabras e Rapazas.


“Todas as historias se tecen cos fíos da vida”

Entrega de premios do concurso Relatea

21/06/2017 - 10:00
Etc/GMT+1
Este ano, desde a Bibliotrega do Miño do noso centro IES A Sangriña colaboramos co centro educativo San Xerome de A Guarda, organizando unha sesión semanal na biblioteca poñendo en marcha a actividade RELATEA que consiste en que o alumnado do noso centro educativo elaboraban relatos que logo depositaban nunha caixa moi especial que dicía " Deixa aquí os teus relatos para compartir cos nosos compañeiros de San Xerome"
As usuarias e os usuarios de San Xerome escolleron aqueles relatos que lles espertaron máis interese e emoción. Foron tantos os textos creados polo noso alumnado que, os nosos colaboradores de San Xerome se atoparon na obriga de escoller seis escritos pola súa calidade e intención.
O día 21 de xuño celebramos un acto no Centro San Xerome onde as seis persoas premiadas do IES A Sangriña, a saber, Blas Alonso, Néstor Lomba, Vega Inés Farias, David Mariño, Iván Justo e Hugo Rodríguez, leron os seus relatos e foron premiados cunha actividade de descenso en piragua ofrecida polo Departamento de Educación Física, un agasallo elaborado polos usuarios do centro San Xerome e un vale agasallo da Biblioteca do centro para trocar por material de lectura. Foi unha actividade moi gratificante polo que supón de integración e colaboración entre os dous centros.
Desde a Bibliotrega do Miño queremos agradecer a Patricia e a todos os profesionais do centro San Xerome e ao seu alumnado a súa colaboración e xenerosidade. 

O club de lectura Na raia recibe ao alumnado do CEIP A Sangriña

21/06/2017 - 11:05
Etc/GMT+1
Para rematar a viaxe lectora deste curso, hoxe 21 de xuño o club de lectura "Na Raia" recibiu na Bibliotrega os alumnos e alumnas de 6º de Educación Primaria do CEIP A Sangriña. Os lectores e lectoras na raia contáronlles o que fixeron durante o curso, os libros que leron, as actividades que compartiron, o seu paso polas Xornadas de Clubs de Lectura...
Os futuros compañeiros e compañeiras escoitáronos con atención e tamén falaron dalgunhas das súas lecturas deste ano, recomendando obras como por exemplo Dúas bágoas por Máquina, de Fina Casalderrey.
Foi un pracer compartir ese tempiño, e parece que moitas e moitos xa están dispostos a converterse en "lectores e lectoras na raia" o próximo curso.
Vémonos en setembro. O club de lectura "Na raia" deséxanos a todas e todos un fantástico verán cheo de boas lecturas!!!
Syndicate content

Iniciar sesión