Un grupo de alumnos de 2º e 3º de ESO do IES A Sangriña participa esta semana -do 16 ao 23 de outubro de 2012- no intercambio co Collège Boris Vian de Dunkerque. Entre as actividades, ademais da visita a París, están previstos varios talleres organizados conxuntamente por todas as institucións participantes no Comenius REGIO sobre integración de persoas con algún tipo de discapacidade.

O venres 29, os alumnos dos proxectos Comenius de 1º e 2º de Bacharelato participaron, xunto cos seus correspondentes italianos e daneses, nunha excursión ás illas Cíes. A espléndida xornada rematou cunha animada cea no instituto organizada polas nais e pais participantes. Os daneses regresan a Bornholm o luns, mentres que os italianos aínda estarán no centro ata o martes, cando regresarán a Terni.