Portugués

Profesorado do Departamento de Portugués 2016-2017

NOME E APELIDOS
CARGO
Isabel Maria Afonso Gonçalves Auxiliar conversa portugués
Alberto Viso Outeiriño Xefe de Departamento

Alumnado de 4º de ESO visita o Aquamuseum de Vilanova de Cerveira

19/04/2017 - 10:00
Etc/GMT+1

Un grupo multidisciplinar de alumnos e alumnas de 4º de ESO, acompañados polo profesorado Mª Luisa Guerra e Juan Hermida, visitaron o Aquamuseum de Vilanova de Cerveira o pasado mércores 19 de abril.

Os alumnos e alumnas visitaron as instalacións do museo onde se poden ver as distintas especies de animais que poboan o esteiro do río Miño. Tamén se puideron achegar ás artes tradicionais de pesca de especies de enorme importancia económica nesta zona, tales como a anguía ou a lamprea.

A visita incluíu unha saída nunha embarcación polo esteiro onde puideron ver os distintos aparatos que os investigadores utilizan para o estudo do medio mariño (sonda multiparamétrica, botella Nansen ou mallas para plancton).

O esteiro do río Miño está a sufrir profundas transformacións que afectan á conservación do seu estado natural. A construción de encoros ao longo do río afecta á bioloxía das especies migratorias tales como o salmón, a anguía ou a lamprea. Tamén a introdución de especies alóctonas supón a desaparición das especies autóctonas e a diminución da biodiversidade. A presenza destas novas especies vese favorecida ademáis polo cambio climático que axuda ao desenvolvemento destas novas especies á vez que as especies adaptadas a estas augas se desplazan a latitudes máis ao norte en busca de augas máis frías.

Visita didáctica a Porto

09/02/2017 - 00:20
09/02/2017 - 18:30
Etc/GMT+1
alumnado en lugares representativos

O Departamento de Portugués xunto co de Relixión organizaron, no pasado mes de febreiro, para o seu o alumnado de 4º de ESO, 1º e 2º de Bacharelato unha saída didáctica a Porto, onde fixeron unha completísima visita aos lugares máis representativos.

Coñeceron a arte sacra barroca de Nicolau Nasoni (Igreja do Carmo, Torre dos Clérigos, talhas de Nosa Senhora, Igreja de São Ildefonso), visitaron tamén a Sé Catedral, o Pelourinho, a livraria Lello e Irmão, e despois do almorzo aínda foron facer un percorrido polo Estadio do Dragão do Porto F.C. 

Contos do mundo: Brasil

14/02/2017 - 10:00
Etc/GMT+1
A semana pasada tivo lugar a terceira sesión de Contos do mundo: o alumnado de 3º de ESO, acompañado do profesorado Denís Vicente, Alfredo Garrido e María Carneiro, foille falar do Brasil ao alumnado de 1º de primaria. Nesta sesión houbo lectura de dous contos e tamén música, xa que o noso alumnado cantou o Samba lelé.
Syndicate content

Iniciar sesión