Club de lectura

O club de lectura Na raia recibe ao alumnado do CEIP A Sangriña

21/06/2017 - 11:05
Etc/GMT+1
Para rematar a viaxe lectora deste curso, hoxe 21 de xuño o club de lectura "Na Raia" recibiu na Bibliotrega os alumnos e alumnas de 6º de Educación Primaria do CEIP A Sangriña. Os lectores e lectoras na raia contáronlles o que fixeron durante o curso, os libros que leron, as actividades que compartiron, o seu paso polas Xornadas de Clubs de Lectura...
Os futuros compañeiros e compañeiras escoitáronos con atención e tamén falaron dalgunhas das súas lecturas deste ano, recomendando obras como por exemplo Dúas bágoas por Máquina, de Fina Casalderrey.
Foi un pracer compartir ese tempiño, e parece que moitas e moitos xa están dispostos a converterse en "lectores e lectoras na raia" o próximo curso.
Vémonos en setembro. O club de lectura "Na raia" deséxanos a todas e todos un fantástico verán cheo de boas lecturas!!!

Primeiro encontro oficial do Club de Lectura Na raia

O pasado mes de outubro de 2016, os membros do club de lectura "Na raia" celebramos a nosa primeira reunión. Falamos sobre o que faremos durante o curso, escollemos os nosos próximos libros entre todos, mediante a lectura de fragmentos “a cegas”, rimos e fixémonos co que vai a ser a nosa primeira aventura conxunta: A mansión dos Pampín, de Miguelanxo Prado. Acordamos lela en dúas semanas e comezar coa seguinte, que xa contaremos cal é. Por certo, agradecemos moito ao CEIP A Sangriña que nos prestara algúns exemplares.

Se alguén se anima a unirse ao noso grupiño falade coas profesoras Gisela ou Neves.

 

Bajarse al moro

Este mércores, 4 de febreiro, temos un novo encontro do noso club. Xa
estamos preparados para unha sesión de teatro lido. A obra escollida é Bajarse al moro,
de Luis Alonso de Santos, que sen dúbida nos fará pasar un bo rato.
Rosabel, Isa, Bea, Marta, Christian, Carlos, Santi, Saúl e Manuel serán
os protagonistas desta comedia; estamos certos de que o farán coma
auténticos profesionais.

QUE COMECE A FUNCIÓN!!!

XA ESTAMOS DE VOLTA!

Este mércores, día 21 ás 16,00, faremos a nosa primeira xuntanza . Queres vir? Pois daquela trae o teu libro favorito, demostra que es un dos nosos. LEMBRA: O LIBRO É O TEU PASAPORTE NESTA VIAXE.

 

 

Visita o noso blog

LECTURASNARAIA

 

Syndicate content

Iniciar sesión