Excursión a Braga

01/02/2018 - 08:20
01/02/2018 - 17:00
Etc/GMT+1

O xoves da semana pasada, primeiro día de febreiro, o alumnado de 1º ESO B e C e os de portugués de 1º Bacharelato pasaron unha estupenda xornada en Braga.

A actividade foi organizada polos departamentos de relixión e portugués, e consistiu en visitar o Santuario do Bom Jesús, o casco antigo da cidade, a Catedral e o estadio do Sporting de Braga. Rematouse con comida no Bragaparque antes de voltar a casa.

O profesorado acompañante foi: Susana Vázquez, María Rodríguez Velasco e Alberto Viso.

 

Concerto "Las Lollipops" en Santiago de Compostela

24/01/2018 - 08:20
24/01/2018 - 16:00
Etc/GMT+1

O mércores 24 de xaneiro o alumnado de 2º e 3º ESO e 1º Bacharelato asistiu ao concerto de “Las Lollipops” en Santiago de Compostela. Este grupo está formado por tres voces femininas: Paula Romero, Marian Ledesma, Paty Lesta e un pianista, Cristian Leggiero. Durante unha hora, con música en directo e dunha maneira moi divertida, explicaron os conceptos claves da música vocal e coral.

Esta actividade levouse a cabo polo departamento de Música, e o profesorado acompañante foi María José Guerra Castro e Alfredo Garrido Navas.

 

Primeira actividade da Semana da Ilustración

22/01/2018 - 08:20
22/01/2018 - 18:00
Etc/GMT+1

O pasado luns 22 de xaneiro os alumnos e alumnas de 1º e 2º ESO foron a Vigo ao cine a ver a película de animación “Coco”. Esta actividade marcaba o inicio da SEMANA DA ILUSTRACIÓN.

Os departamentos implicados foron o de Lingua Castelá e o de Educación Física, completando este último a actividade cunha sesión de patinaxe sobre xeo na pista de patinaxe de Vigo. Posteriormente concluiuse con comida ao aire libre e paseo polo parque de Castrelos. 

Os profesores acompañantes foron: Juanra Torres, Denís Vicente, Santiago Rivas e Amalio Verd.

 

 

 

Felicidades a Amaya Vicente Pérez!

Parabéns a Amaya Vicente Pérez, alumna de 4º ESO A que foi galardoada recentemente coa bolsa Amancio Ortega.

O programa de bolsas da Fundación Amancio Ortega ten o obxectivo de facilitar a aprendizaxe do inglés e a inmersión na cultura estranxeira a rapaces e rapazas de institutos e colexios españois durante un ano académico. Os alumnos e alumnas seleccionados convivirán cunha familia de acollida e cursarán Grao 11 (equivalente a 1º de Bacharelato). A bolsa cubre o 100% dos servizos necesarios para realizar un curso escolar no estranxeiro: viaxe, taxas de escolarización, validación de estudos, aloxamento e manutención nunha familia de acollida, seguro médico e de accidentes, e apoio continuado durante os dez meses de estancia.

Felicidades unha vez máis!

 

Syndicate content

Iniciar sesión

Calendario do Centro

« Febreiro 2018
LunMarMérXovVenSábDom
1234
567891011
12131415161718
19202122232425
262728

Lexislación

Noticias e recursos

Usuarios conectados

Agora mesmo hai 0 usuarios e 1 invitado conectados.