VIAXE A TOULOUSE

22/02/2018 - 06:00
25/02/2018 - 22:30
Etc/GMT+1


O Departamento de Tecnoloxía organizou unha viaxe a Toulouse (Francia)
e á Cité de l'espace que tivo lugar dende o
xoves 22 de febreiro ata o domingo 25.

Nesta actividade participou o alumnado de 2º ESO (33 alumnos e alumnas
do centro + tres invitadas: Ana, Mariña e Aixa). O profesorado acompañante foi
Rosalina Domínguez Muíños, Pablo Varela Pardo e Javier Villaverde Vayá.

O xoves 22 de febreiro de madrugada sairon en autobús dende A Guarda
para chegar aos apartamentos en Toulouse cara as 22:30 da noite.

Saída didáctica do proxecto A PEGADA DO LOBO

15/02/2018 - 17:00
17/02/2018 - 20:00
Etc/GMT+1
Os departamentos de Administración e Finanzas, Ciencias Naturais, Lingua Galega e Literatura, Inglés, EPV e Filosofía organizaron dende o pasado xoves 15 de febreiro ao sábado 17 unha saída co alumnado de 4º ESO e de 1º Ciclo Superior de Administración e Finanzas.
 
Esta saída enmárcase dentro do proxecto "A pegada do lobo", que se está a desenvolver dentro da liña de Paisaxe e Sustentabilidade do Plan PROXECTA da Consellería de Cultura, Educación e Ordenación Universitaria.
 
Na seguinte foto vemos ao alumnado visitando o Centro de interpretación do lobo ibérico en Robledo (Sanabria - Zamora) e o Caurel.
 
O profesorado acompañante foron Pilar Carro Loureiro e Juan José Hermida Lago.
 
Máis info picando neste enlace.
 
 

Proxecto LINGUAXES ALTERNATIVAS. Parte II

26/02/2018 - 08:20
26/02/2018 - 11:05
Etc/GMT+1
Onte luns 26 de febreiro levouse a cabo no IES a segunda fase do proxecto LINGUAXES ALTERNATIVAS, organizado polo Equipo de Biblioteca e o Departamento de Lingua Castelá e Literatura.
 
Dende as 08:20 ata as 11:05 realizouse un taller sobre pictogramas impartido por Patricia Romero, do Departamento de Orientación do centro San Xerome.
O próximo venres 1 de marzo haberá outro taller que tratará de lectura e escritura fácil. Ámbolos dous están dirixidos ao alumnado de 1º Bacharelato.
 
 

Celebración Día de Rosalía

23/02/2018 - 10:05
23/02/2018 - 12:20
Etc/GMT+1

Hoxe 24 de febreiro celebramos en toda Galicia o Día de Rosalía, e para honrar e homenaxear á nosa poeta nacional, a máis célebre escritora en lingua galega, o equipo da Biblioteca, o de Normalización Lingüística e a Comisión de Igualdade prepararon onte, venres día 23 unhas actividades.

Temos a sorte, todas as galegas e galegos, de termos unha muller como nai da nosa literatura e como figura central da nosa cultura, a nosa referente no mundo, a que nos visibiliza e nos fai entrar no canon da literatura, da cultura e do feminismo universal.

Así, para lembrar o seu pensamento e a súa figura, onte durante os dous recreos repartíronse flores e libros en lingua galega, cedidos pola Universidade de Vigo, para todas as persoas que se quixeron achegar e participar. Ademais, ambientouse o espazo con poemas musicados da nosa poeta, para contribuír a visibilizar a música en galego e a actualidade do pensamento rosaliano.

Despois, no segundo recreo na entrada do instituto leuse o manifesto elaborado nesta ocasión pola poeta María Reimóndez. As persoas encargadas desta lectura foron todas voluntarias do Equipo de Normalización Lingüística.

Finalmente, no panel e no expositor de libros da Biblioteca destacáronse as súas obras máis destacadas, así como a súa biografía e contribución á construción do país.
Todas as actividades desta xornada foron organizadas conxuntamente pola Biblioteca, o Equipo de Normalización Lingüística e a Comisión de Igualdade.

Syndicate content

Calendario do Centro

« Febreiro 2019
LunMarMérXovVenSábDom
123
45678910
11121314151617
18192021222324
25262728

Lexislación

Usuarios conectados

Agora mesmo hai 0 usuarios e 0 invitados conectados.