BOLSAS EUROLINGUA

Por sexto ano consecutivo Eurolingua Venairlanda convoca as súas bolsas para a realización de Cursos de Inglés en Irlanda de dúas semanas de duración durante o verán nun programa de inmersión todo incluido. Son un lote global de 20 bolsas dirixidas a estudantes universitarios, de secundaria, bacharelato ou formación profesional cunha dotación orzamentaria aportada por Eurolingua Venairlanda na súa totalidade.

Este ano dúas das súas bolsas concedéronllas ás nosas alumnas Elsa Vázquez Rodríguez (2º BACHARELATO) e Claudia Gómez Lomba (3º ESO).

Parabéns!

JOB SHADOWING ERASMUS+


Desde o 11 de xuño ata o 15, Raquel Pousa Soto e Domingo Caldevilla
Lago, docentes de Administración de empresas e de Trasnporte e mantemento de
vehículos do IES A Sangriña, estarán en Lisboa para realizar unha estancia
formativa no ámbito do proxecto Erasmus+ Acción Clave KA102 Mobilidade das
persoas por motivos de aprendizaxe no sector da Formación Profesional, convocatoria
de 2017.

Durante esta semana visitarán dúas empresas internacionais e recibirán
información sobre a estrutura e organización das mesmas.

O obxectivo principal destas mobilidades é fomentar o intercambio
entre coñecementos teóricos e experiencias sobre métodos pedagóxicos e
laborais. Con estas prácticas tamén se pretende ofrecer aos estudantes de
ciclos formativos que non participen nos programas de mobilidade a posibilidade
de beneficiarse do coñecemento e a experiencia dos seus docentes.

CLASE MAXISTRAL DE HOCKEY LIÑA

O pasado venres 1 de xuño durante a 1ª e a 2ª hora, o alumnado de 1º ESO tivo o privilexio de recibir unha clase de mostra do equipo da Guarda de hóckey liña. 
 
O profesor acompañante na actividade foi Amalio Verd.
 
 

PROXECTO "A SANGRIÑA ROMPENDO BARREIRAS" CONCEDIDO!

Onte día 28 de maio publicouse a resolución definitiva na que nos aprobaron o Proxecto KA102-047510 (Mobilidade das persoas por motivos de aprendizaxe no sector da Formación Profesional) para o vindeiro curso 2018/19.
 
Este proxecto leva por título A SANGRIÑA ROMPENDO BARREIRAS e está dotado con 52.727€ para a realización de 13 mobilidades de estudantes e profesores, ademáis de catro acompañantes:
 
*Tres estudantes de FP Básica de Mantemento de Vehículos a Lisboa para realizar a FCT (Formación en Centros de Traballo) durante 60 días.
*Seis estudantes de Ciclos Medios das tres familias profesionais (Transporte e Mantemento de Vehículos, Administración e Xestión, Informática e Comunicación) para facer a FCT durante 80 días en Lisboa.
*Un titulado de Ciclo Medio de Electromecánica de Vehículos a Madeira durante 120 días.
*Tres Job Shadowing para o profesorado en Lisboa.
 
Con este proxecto perséguense dous obxectivos claros:
 
1- Promover a equidade e a inclusión facilitando ao noso alumnado de FP Básica a participación en actividades transnacionais.
Syndicate content

Calendario do Centro

« Outubro 2018
LunMarMérXovVenSábDom
1234567
891011121314
15161718192021
22232425262728
293031

Lexislación

Usuarios conectados

Agora mesmo hai 0 usuarios e 0 invitados conectados.