INTERCAMBIO ESCOLAR TERNI - A GUARDA - AARHUS

Xusto ao comezo do tercer trimestre, tivemos o pracer de recibir ao alumnado italiano e danés participante neste intercambio escolar Terni - A Guarda - Aarhus.
As danesas chegaron o sábado 7 de abril e as italianas o domingo 15.
O luns asistiron ás aulas de lingua castelá e de educación física, onde fixeron a actividade “Danzas do mundo”.
 
Pola tarde visitaron o monte Tecla e o castro celta.
O martes debido ás malas condicións meteorolóxicas non se puido ir ás Cíes, polo tanto foron coñecer a cidade de Vigo, o MARCO, casco vello, etc.
Tras almorzar no IES, o mércores foron visitar Tui (catedral e casco vello) e Valença (recinto amurallado, casco vello e mercado ao aire libre).
 
Unha vez máis debido ao tempo, o xoves non se puido practicar piragüismo como estaba pensado, así que foron disfrutar da cidade de Oporto. Finalmente pola noite cearon no centro.

VIAXE CULTURAL A PARÍS

A semana pasada, do martes 10 ao domingo 15 de abril, o Departamento de Francés levou a cabo unha viaxe cultural a París.
A actividade estivo dirixida para o noso alumnado de 3º e 4º ESO e 1º Bach, ainda que se fixo xunto co profesorado e alumnado de 1º e 2º Bach do IES Val do Tea, de Ponteareas.
O martes día 10 chegaron ao aeroporto de Orly (París) ás 11:20h, e foron visitar o Palacio de Versailles.
Pola tarde regresaron a París para facer un percorrido nocturno pola cidade antes de ir descansar ao hotel.
O mércores dedicárono a visitar a Place de la Concorde, a Opéra Garnier, a Place Vendôme, as Galeries Lafayette, o Xardín des Tuileries e o Arc du Carrousel. Antes da hora do xantar foron ao Musée du Louvre. Pola tarde tocou a Catedral de Notre-Dame e o Palais de Luxembourg.
O xoves coñeceron o Arc du Triomphe, o Trocadéro, a Tour Eiffel, os Champs de Mars, foron en barco polo río Sena e finalmente visita a Montmartre.

Felicitacións para Marco Patiño!

Parabéns a Marco Patiño López, alumno de 2º Bac A que foi galardoado recentemente coa Bolsa Europa.
 
O programa de bolsas Europa é unha iniciativa promovida polo Banco Santander e a Universidade Francisco de Vitoria para potenciar o talento, premiar a excelencia e apoiar a creación de redes de liderado.
 
Un dos seus obxectivos é viaxar ao máis profundo da historia, esencia e ideais da universidade, para espertar no seu futuro alumnado a actitude de verdadeiro universitario. Construir unha rede de universitarios líderes en Europa dispostos a sacar o mellor da institución universitaria e reflectilo na sociedade.
 
Congratulacións unha vez máis!
 
 

SAÍDA DIDÁCTICA A MAÑUFE E A VIGO

Dentro das actividades extra-escolares do Departamento de Automocion, e unha vez realizada a excursión ao salón de Birmingham no mes de xaneiro, o pasado xoves 12 de abril o alumnado dos ciclos de automoción e FPB fixeron unha excursión a dúas das coleccións privadas máis importantes de España: unha de motos en Mañufe, propiedade de Manolo Rodriguez (colección de motos que conta con pezas únicas a nivel mundial) e outra colección de vehículos clásicos pertencente a Manolo Ferreira (valorada en máis de 30 millóns de euros).
 
Os alumnos puideron ver de cerca sistemas mecánicos da época e recibir un impuso extra na súa aprendizaxe, mostrando un grande interese por todas as visitas organizadas.
 
 
 
 
 
Syndicate content

Iniciar sesión

Calendario do Centro

« Xullo 2018
LunMarMérXovVenSábDom
1
2345678
9101112131415
16171819202122
23242526272829
3031

Lexislación

Noticias e recursos

Usuarios conectados

Agora mesmo hai 0 usuarios e 0 invitados conectados.