ESO

Saída didáctica do proxecto A PEGADA DO LOBO

15/02/2018 - 17:00
17/02/2018 - 20:00
Etc/GMT+1
Os departamentos de Administración e Finanzas, Ciencias Naturais, Lingua Galega e Literatura, Inglés, EPV e Filosofía organizaron dende o pasado xoves 15 de febreiro ao sábado 17 unha saída co alumnado de 4º ESO e de 1º Ciclo Superior de Administración e Finanzas.
 
Esta saída enmárcase dentro do proxecto "A pegada do lobo", que se está a desenvolver dentro da liña de Paisaxe e Sustentabilidade do Plan PROXECTA da Consellería de Cultura, Educación e Ordenación Universitaria.
 
Na seguinte foto vemos ao alumnado visitando o Centro de interpretación do lobo ibérico en Robledo (Sanabria - Zamora) e o Caurel.
 
O profesorado acompañante foron Pilar Carro Loureiro e Juan José Hermida Lago.
 
Máis info picando neste enlace.
 
 

Concurso de disfraces A Sangriña 2018

O venres da semana pasada durante as dúas últimas horas de clase puidemos disfrutar dun festival de disfraces que nada tivo que envexar ao de Río de Janeiro. Como diciamos nunha entrada anterior, houbo premios para os mellores disfrazados. Neste caso foron varias cestas de produtos facilitados pola AMPA, que un ano máis estivo disposta a axudar como sempre o vén facendo. Dende aquí aproveitamos para agradecer a súa labor, que foi moi valiosa.

Achegamos algunhas fotos para quen non puidera asistir.


1º premio: 4ºB "Seita satánica"

Presentación "O segredo da casa de Formoso" de H. Cajaraville

05/02/2018 - 16:00
05/02/2018 - 17:40
Etc/GMT+1

O pasado luns 5 de febreiro, o departamento de Lingua e Literatura Galega organizou no salón de actos a presentación do libro O segredo da casa de Formoso, do escritor Héctor Cajaraville. O acto estivo dirixido para o alumnado de 3º e 4º ESO, e foi presentado pola alumna Dafne Piñeiro.

Este escritor compostelán, xornalista de profesión, entrou na literatura galega pola porta grande coa súa novela De remate, coa que gañou o premio Xerais no 2015. Desde entón publicou en moi poucos meses seis novelas, que tamén recibiron premios literarios e o que é máis importante, unha moi boa acollida dos lectores e lectoras:

Quen dá a quenda?, finalista no Premio Merlín de Literatura Infantil 2015.

A caixiña dos rancores, premio Raíña Lupa de Literatura Infantil e Xuvenil 2015.

Once portas, premio Ánxel Fole de Novela Curta 2016.

Denébola a Roxa, premio Meiga Moira de Novela Infantil e Xuvenil 2016.

O segredo da casa de Formoso, publicouse en abril de 2017 na colección Oqueleo de Obradoiro-Santillana. O autor falounos das ideas e experiencias persoais que inspiraron esa obra e tamén do seu proceso de creación.

Concerto "Las Lollipops" en Santiago de Compostela

24/01/2018 - 08:20
24/01/2018 - 16:00
Etc/GMT+1

O mércores 24 de xaneiro o alumnado de 2º e 3º ESO e 1º Bacharelato asistiu ao concerto de “Las Lollipops” en Santiago de Compostela. Este grupo está formado por tres voces femininas: Paula Romero, Marian Ledesma, Paty Lesta e un pianista, Cristian Leggiero. Durante unha hora, con música en directo e dunha maneira moi divertida, explicaron os conceptos claves da música vocal e coral.

Esta actividade levouse a cabo polo departamento de Música, e o profesorado acompañante foi María José Guerra Castro e Alfredo Garrido Navas.

 

Syndicate content

Iniciar sesión

Calendario do Centro

« Abril 2018
LunMarMérXovVenSábDom
1
2345678
9101112131415
16171819202122
23242526272829
30

Lexislación

Noticias e recursos

Usuarios conectados

Agora mesmo hai 0 usuarios e 0 invitados conectados.