TRABALLOS EXCLUÍDOS DE REGULACIÓN LABORAL.
Son relacións de traballo ás que non se lles pode aplica-lo Dereito Laboral, ben porque non teñen algunha das características da relación laboral, ben porque, aínda téndoas, se regulan por normas propias alleas ó Dereito Laboral. (art.1.3 ET.).

Son as seguintes:

• A relación de servicio dos funcionarios públicos.
• As prestacións persoais obrigatorias (traballos de colaboración social).
• A dos conselleiros nas empresas societarias cando non desenrolen outra actividade na empresa.
• Os traballos realizados en virtude de amistade, benevolencia ou de boa veciñanza.
• Os traballos familiares, ata segundo grado, salvo que se demostre a condición de asalariados de quen os leve a cabo.
• Os axentes comerciais que interveñan en operacións mercantís asumindo o risco distas.
• A actividade dos transportistas con autorización administrativa.
• A dos traballadores por conta propia (autónomos).

Se un traballador é familiar do empresario pero traballa baixo un contrato a cambio dun salario estipulado non podemos falar dun traballo excluido da regulación laboral.
A súa relación tería os elementos propios da prestación laboral e, por tanto, estaría incluida no ámbito de aplicación do E.T.