GARANTÍAS DO SALARIO

Inembargabilidade: O S.M.I. é inembargable, salvo para as pensións por alimentos. (art. 27 E.T.) Ver exemplo

Privilexio dos créditos salariais: O Estatuto dos Traballadores establece que os créditos por salarios dos últimos trinta días, e na cuantía que non supere o dobre do S.M.I. , gozan de preferencia sobre calquera outra débeda do empresario, aínda que esta se atope garantizada por prenda ou hipoteca. (art.32 ET.)

FOGASA: É o organismo que fai frente ás débedas que teñan os empresarios por salarios e indemnizacións ós seus traballadores cando se atopen en situación de suspensión de pagos, quebra ou insolvencia. Os seus fondos proceden das cotas que mensualmente aboan tódolos empresarios.
O FOGASA pagará os salarios que se deban ós traballadores cun importe non superior á cantidade que resulte de multiplicar o dobre do SMI polo número de días de salario pendentes de pago, cun máximo de 120 días. (art.33 ET.) Ver exemplo

Se un traballador ten un salario de 1300 € ó mes a cantidade máxima que se lle podería embargar por mor da inembargabilidade do S.M.I. serían:
1300 € - 451,20 € (S.M.I. para o 2003)= 848,80 €.

Unha empresa insolvente débelle a un traballador dous meses de salarios. Sabendo que a retribución deste traballador ascende a 840 € mensuais (28 €/día), o FOGASA aboaríalle a este traballador 60 días x 28 €/día = 1680 €. Se o salario do traballador excedese do dobre de S.M.I. (15,04 x 2 = 30,08 ) éste actuaría como tope.