|
Dentro do Proxecto Lector de Centro do ano académico
2007/2008 e incluído na actividade Olimpíada
do Saber, proponse a
seguinte actividade a desenrolar na cuarta semana do mes de Novembro
e coincidindo coa semana de celebración da festa do Magosto no
centro.
Obxectivos:
Facer da celebración do Magosto unha festa lúdica á vez que
educativa, que permita a toda a comunidade e especialmente aos
alumnos mellorar os coñecementos que posúen de todo o relacionado co
magosto.
Participantes no concurso:
Todos os alumnos que o desexen
Temporalización:
Entre os días 19 e 21 de Novembro, ambos incluídos.
Desenvolvemento:
-
O venres, día 16 de Novembro todos os alumnos serán invitados a
participar no concurso e se lles informará a través dos delegados de
curso, que o luns estarán á súa disposición unha serie de preguntas
relacionadas co tema. Os delegados lerán aos compañeiros as bases do
concurso . Ademais anunciarase o concurso a través da nosa páxina
web e en carteis colocados polo centro.
-
Os alumnos interesados inscribiranse o luns día 19 de Novembro,
durante o primeiro e segundo recreo, na biblioteca, onde lles será
entregada unha folla con preguntas. As profesoras
Charo Martínez (1º recreo) e
Paz (2º recreo) serán as
encargadas de inscribir aos alumnos e entregarlles a folla de
preguntas.
-
Os alumnos poderán utilizar os recursos desexados para responder ás
preguntas: libros na biblioteca, internet e as follas que se
atoparán pegadas polo instituto (na planta baixa e no primeiro
andar) onde aparece a resposta a todas e cada unha das preguntas.
-
Unha vez respondidas entregarán a folla cumprimentada en
dirección, durante os recreos de martes 20 e mércores 21, onde
quedarán rexistrados cun número de entrada que será o número co que
participen no sorteo do venres día 23 de novembro.
Premios:
Os 25 primeiros en entregar a folla cumprimentada con tódalas
respostas correctas, recibirán un pequeno agasallo, que lles será
entregado o venres día 23 de Novembro.
Ademais, farase un sorteo entre todos os participantes
o día 23 de Novembro no salón de actos durante a
celebración do magosto. Os
premiados levarán outro agasallo.
|
-
O concurso consiste en responder unha serie de preguntas
relacionadas co magosto.
-
A folla de preguntas pode ser recollida, por todos os alumnos
interesados en participar, durante os recreos do luns 19 de
novembro, na biblioteca.
-
Unha vez respondidas, a folla será entregada en dirección,
durante os recreos do martes 20 e mércores 21. Ao entregala, os
alumnos quedarán rexistrados cun número, que será co que participen
no sorteo.
NOTA: As respostas pódense atopar buscando nas follas, que estarán
pegadas polo instituto, entre a planta baixa e o primeiro andar.
Poden ser utilizados outros medios (internet, libros, pais,
veciños....)
PREMIOS:
Dúas modalidades:
-
Aos 25 primeiros en entregar a folla con todas as respostas
correctas entregaráselles un “pequeno agasallo”
-
Sorteo, entre todos os participantes,
(5 premiados): entregaráselles un “gran agasallo”. (O día 23 no salón de actos).
PARTICIPA!!!
14 de novembro de 2007
A coordinadora
Mª Paz
Rodríguez |
