-
Haberá clase normal as 4 primeiras horas.
-
O alumnado deixará as mochilas na aula onde teñan clase a 4ª
hora. As aulas quedarán pechadas.
-
Ás 12:00 todo o alumnado sairá ao patio. Poderán pedir castañas
ao castañeiro que as está preparando. Prégase a todos respecto e
orde na petición de castañas.
NOTA: O alumnado colaborará co castañeiro levando o seu propio
cucurucho, feito con papel de xornal, que poderán pedir en
conserxería ou, mellor, traer da súa casa se lles é posible.
-
Ás 12:20 entrará no salón de actos o alumnado de 4º ESO, 1º BAC e
2º BAC. Ás 12:30 empezará o primeiro pase da actuación do grupo de
pandeireteiras “A volta do demo” e do grupo de baile “Semente da
arte galega” do CSCR de BEADE, ambos formados por alumnos e alumnas
do centro. (A actuación ten unha duración aproximada de 15 ou 20
min).
-
Ás 13:00 entrará no salón de actos o alumnado de 1º ESO, 2º ESO e
3º ESO. Ás 13:10 empezará o segundo pase da mesma actuación.
-
Ás 13:40 entrarán no salón de actos os participantes no concurso
“1º CONCURSO DA OLIMPIADA DO SABER -O MAGOSTO”, farase o sorteo e
serán entregados os agasallos aos premiados.
-
Ás 12:00 h, simultaneamente, no patio, dará comezo a exhibición
de “xogos tradicionais”. O alumnado interesado en participar deberá
pórse en contacto co seu profesor de Educación Física para anotarse.
MOI IMPORTANTE: É obrigatorio deixar perfectamente limpo o recinto
escolar, polo que se situarán contedores para tal fin. Prégase a
todos que as peladuras, papeis... sexan depositados nos contedores,
de non ser así, suspenderase a festa antes da hora establecida e
dedicaremos o tempo restante a recoller todo. Así mesmo repercutirá
negativamente para a decisión de celebración de próximas edicións.
-
Ás 13:55 abriranse as aulas e o alumnado poderá subir a recoller
as súas mochilas e marchar para as súas casas.
PRÉGASE A COLABORACIÓN E PARTICIPACIÓN DE TODOS PARA QUE A
CELEBRACIÓN SEXA UN ÉXITO.
Grazas
A dirección
|