A continuación tes información sobre os modos de acceso ós ciclos superiores da Formación Profesional: acceso directo (normalmente con Bacharelato) e acceso mediante proba (para os que non teñan os requisitos de acceso directo). A continuación, preséntase o proceso de admisión e matrícula.

Acceso directo

(80 % das prazas).

• Título de Bacharelato LOXSE / LOE.
• COU
• Título de técnico especialista , técnico superior ou equivalente.
• Titulación universitaria.

Prioridades na admisión:

Na admisión de alumnos ós ciclos, cando non existan prazas suficientes, aplicaranse os seguintes criterios de prioridade:

1. Ter superado algunha das modalidades de bacharelato que se determinan para cada ciclo coas materias vinculadas ó mesmo.

2. Ter superado algunha das modalidades do bacharelato que se determinan para cada ciclo sen cursar algunha das materias vinculadas ó mesmo.

3. Cursar algunha das modalidades de bacharelato distintas das establecidas para o ciclo.

4. Estar en posesión do título de técnico superior.

5. Estar en posesión dunha titulación universitaria.

Dentro de cada un dos grupos anteriores, a orde de prioridade verá determinada por:

A. Maior nota media no expediente académico.

B. Maior nota, ou maior nota media, se é o caso, na materia ou materias vinculadas.

Criterios de prioridade segundo a modalidade e as materias de Bacharelato

Modalidades preferentes e materias vinculadas do bacharelato para o acceso a ciclos formativos de grao superior establecidos ao abeiro da Lei orgánica 1/1990, do 3 de outubro, de ordenación xeral do sistema educativo

Familia profesional	Ciclos de grao superior	Modalidades de bacharelato	Materias de bacharelato
Actividades agrarias	Xestión e organización de empresas agropecuarias	Ciencias da natureza e da saúde. Tecnoloxía.	Ciencias da terra e do ambiente
Actividades físicas e deportivas	Animación de actividades físicas e deportivas	Calquera modalidade de bacharelato
Actividades marítimo-pesqueiras
Administración	Secretariado	Ciencias da natureza e da saúde. Humanidades e ciencias sociais.	Economía e organización de empresas
Artes gráficas	Deseño e produción editorial	Artes. Ciencias da natureza e da saúde. Tecnoloxía.	Debuxo técnico
	Produción en industrias de artes gráficas	Ciencias da natureza e da saúde. Tecnoloxía.	Tecnoloxía industrial II
Comercio e márketing	Comercio internacional	Ciencias da natureza e da saúde. Humanidades e ciencias sociais.	Economía e organización de empresas
	Servizos ao consumidor	Ciencias da natureza e da saúde. Humanidades e ciencias sociais.	Economía e organización de empresas
	Xestión comercial e márketing	Ciencias da natureza e da saúde. Humanidades e ciencias sociais.	Economía e organización de empresas
Comunicación, imaxe e son
Edificación e obra civil	Realización e plans de obra	Ciencias da natureza e da saúde. Tecnoloxía.	Debuxo técnico
Electricidade e electrónica
Fabricación mecánica	Óptica de anteollos	Ciencias da natureza e da saúde. Tecnoloxía.	Tecnoloxía industrial II
Hostalaría e turismo	Animación turística	Artes. Humanidades e ciencias sociais.	Segunda lingua estranxeira
Imaxe persoal	Asesoría de imaxe persoal	Ciencias da natureza e da saúde. Humanidades e ciencias sociais.
Industrias alimentarias
Informática
Madeira e moble
Mantemento de vehículos autopropulsados	Mantemento aeromecánico	Ciencias da natureza e da saúde. Tecnoloxía.	Electrotecnia. Mecánica
	Mantemento de aviónica	Ciencias da natureza e da saúde. Tecnoloxía.	Electrotecnia
Mantemento e servizos á produción	Prevención de riscos profesionais	Ciencias da natureza e da saúde. Humanidades e ciencias sociais. Tecnoloxía.
Química	Fabricación de produtos farmacéuticos e afíns	Ciencias da natureza e da saúde. Tecnoloxía.	Química
	Química ambiental	Ciencias da natureza e da saúde. Tecnoloxía.	Química
Sanidade	Anatomía patolóxica e citoloxía	Ciencias da natureza e da saúde	Bioloxía
	Dietética	Ciencias da natureza e da saúde	Bioloxía
	Documentación sanitaria	Ciencias da natureza e da saúde. Humanidades e ciencias sociais.
	Hixiene bucodental	Ciencias da natureza e da saúde. Tecnoloxía.	Bioloxía
	Imaxe para o diagnóstico	Ciencias da natureza e da saúde. Tecnoloxía.
	Laboratorio de diagnóstico clínico	Ciencias da natureza e da saúde. Tecnoloxía.	Bioloxía
	Ortoprotésica	Ciencias da natureza e da saúde. Tecnoloxía.	Debuxo técnico
	Radioterapia	Ciencias da natureza e da saúde. Tecnoloxía.
	Saúde ambiental	Ciencias da natureza e da saúde. Tecnoloxía.	Ciencias da terra e do ambiente
Servizos socioculturais e á comunidade	Animación sociocultural	Ciencias da natureza e da saúde. Humanidades e ciencias sociais. Tecnoloxía.
	Integración social	Ciencias da natureza e da saúde. Humanidades e ciencias sociais. Tecnoloxía.
	Interpretación da lingua de signos	Calquera modalidade de bacharelato
Téxtil, confección e pel	Curtidos	Ciencias da natureza e da saúde. Tecnoloxía.	Química
Vidro e cerámica	Fabricación e transformación de produtos de vidro	Ciencias da natureza e da saúde. Tecnoloxía.	Química

En relación coa preferencia no acceso a ciclos formativos de grao superior as modalidades de bacharelato de tecnoloxía e de ciencias da natureza e da saúde establecidas pola LOXSE, terán a mesma consideración para efectos de acceso que a modalidade de ciencias e tecnoloxía establecida pola LOE.

Modalidades preferentes e materias vinculadas do bacharelato para o acceso a ciclos formativos de grao superior establecidos ao abeiro da Lei orgánica 2/2006, do 3 de maio, de educación

Familia profesional	Ciclos de grao superior	Modalidades de bacharelato	Materias de bacharelato
Actividades físicas e deportivas
Administración e xestión	Administración e finanzas	Humanidades e ciencias sociais.
Agraria	Xestión forestal e do medio natural	Ciencias e tecnoloxía.
Artes gráficas
Artes e artesanías
Comercio e márketing	Transporte e loxística	Humanidades e ciencias sociais.
	Márketing e publicidade	Humanidades e ciencias sociais.
Edificación e obra civil	Proxectos de edificación	Ciencias e tecnoloxía. Artes.
	Proxectos de obra civil	Ciencias e tecnoloxía. Artes.
Electricidade e electrónica	Sistemas electrotécnicos e automatizados	Ciencias e tecnoloxía.
	Sistemas de telecomunicación e informáticos	Ciencias e tecnoloxía.
	Automatización e robótica industrial	Ciencias e tecnoloxía.
	Mantemento electrónico	Ciencias e tecnoloxía.
Enerxía e auga	Eficiencia enerxética e enerxía solar térmica	Ciencias e tecnoloxía.
	Enerxías renovables	Ciencias e tecnoloxía.
Fabricación mecánica	Programación da produción en fabricación mecánica	Ciencias e tecnoloxía.
	Construcións metálicas	Ciencias e tecnoloxía.
	Deseño en fabricación mecánica	Ciencias e tecnoloxía.
	Programación da produción en moldeamento de metais e polímeros	Ciencias e tecnoloxía
Hostalaría e turismo	Xestión de aloxamentos turísticos	Humanidades e ciencias sociais.
	Axencias de viaxes e xestión de eventos	Humanidades e ciencias sociais.
	Guía, información e asistencias turísticas	Humanidades e ciencias sociais.
	Dirección de cociña	Ciencias e tecnoloxía.
	Dirección de servizos de restauración	Ciencias e tecnoloxía.
Imaxe persoal	Estética integral e benestar	Ciencias e tecnoloxía.
	Estilismo e dirección de peiteado	Ciencias e tecnoloxía. Humanidades e ciencias sociais.
Imaxe e son	Produción de audiovisuais e espectáculos	Ciencias e tecnoloxía.
	Realización de proxectos audiovisuais e espectáculos	Ciencias e tecnoloxía.
	Animacións 3D, xogos e contornos interactivos	Ciencias e tecnoloxía.
	Son para audiovisuais e espectáculos	Ciencias e tecnoloxía.
	Iluminación, captación e tratamento de imaxe	Ciencias e tecnoloxía.
Industrias alimentarias	Vitivinicultura	Ciencias e tecnoloxía.
	Procesos e calidade na industria alimentaria	Ciencias e tecnoloxía.
Industrias extractivas
Informática e comunicacións	Administración de sistemas informáticos en rede	Ciencias e tecnoloxía.
	Desenvolvemento de aplicacións multiplataforma	Ciencias e tecnoloxía.
	Desenvolvemento de aplicacións web	Ciencias e tecnoloxía.
Instalación e mantemento	Desenvolvemento de proxectos de instalacións térmicas e de fluídos	Ciencias e tecnoloxía.
	Mantemento de instalacións térmicas e de fluídos	Ciencias e tecnoloxía
	Mecatrónica industrial	Ciencias e tecnoloxía.
Madeira, moble e cortiza	Deseño e amoblamento	Ciencias e tecnoloxía. Artes.
Marítimo-pesqueira	Transporte marítimo e pesca de altura	Ciencias e tecnoloxía.
	Acuicultura	Ciencias e tecnoloxía.
	Organización do mantemento de maquinaria de buques e embarcacións	Ciencias e tecnoloxía.
Química	Química industrial	Ciencias e tecnoloxía.	Química
	Laboratorio de análise e de control de calidade	Ciencias e tecnoloxía.	Química
Sanidade	Audioloxía protésica	Ciencias e tecnoloxía.
	Próteses dentais	Ciencias e tecnoloxía.
Seguridade e ambiente	Educación e control ambiental	Ciencias e tecnoloxía.
Servizos socioculturais e á comunidade	Educación infantil	Humanidades e ciencias sociais.
Téxtil, confección e pel	Patronaxe e moda	Ciencias e tecnoloxía.
	Deseño e produción de calzado e complementos	Ciencias e tecnoloxía. Artes.
Transporte e mantemento de vehículos	Automoción	Ciencias e tecnoloxía.
Vidro e cerámica	Desenvolvemento e fabricación de produtos cerámicos	Ciencias e tecnoloxía.

Acceso mediante proba

(20 % das prazas).

· Maior de 19 anos ou que os cumpra no 2015.

(O requisito de idade é de 18 anos se dispón dun título de técnico que pertenza a algunha familia profesional incluída na opción á que opta)

· Non ter os requisitos académicos para o acceso directo.

PROBA DE ACCESO ÓS CICLOS SUPERIORES para alumnos de 19 anos que non cumpren os requisitos académicos.

A proba de acceso consta de dúas partes:

Parte Común

Relacionada cos contidos do bacharelato e valorará a capacidade de razoamento e expresión escrita:

§ Lingua galega.

§ Lingua castelá.

§ Matemáticas.

Parte específica

Esta parte avaliará os coñecementos en relación coa materia ou materias vinculadas a cada ciclo.

Organízase en base a tres opcións A, B, e C

• Parte especifica (*)

Organizase en tres opcións (A, B e C) Opción A. economía da empresa, lingua estranxeira (inglés ou francés), e filosofa e cidadanía Opción B. debuxo técnico. tecnoloxia industrial, e física Opción C: ciencias da terra e ambientais química e bioloxia

(*) O alumnado elixirá unha única opción (A, B ou C) e, dentro da opción elixida, escollerá dúas materias en función das familias profesionais e materias de referencia para cada unha segundo a seguinte táboa:

Organización en opcións da parte específica da
proba a ciclos formativos de grao superior
en función da familia profesional á que se desexe acceder

Opcións segundo familias profesionais derivadas da LOXSE	Opcións segundo familias profesionais derivadas da LOE	Materias de referencia do bacharelato
Opción A
Administración. Comercio e márketing. Hostalaría e turismo. Servizos socioculturais e á comunidade. Comunicación, imaxe e son (só o ciclo de produción de audiovisuais, radio e espectáculos).	Administración e xestión. Comercio e márketing. Hostalaría e turismo. Servizos socioculturais e á comunidade. Imaxe e son (só o ciclo de produción de audiovisuais, radio e espectáculos).	Materias da opción A · Economía da empresa. · Lingua estranxeira (francés ou inglés) · Filosofía e cidadanía.
Opción B
Actividades marítimo-pesqueiras (agás o ciclo de produción acuícola). Artes gráficas. Edificación e obra civil. Electricidade e electrónica. Comunicación, imaxe e son (agás o ciclo de produción de audiovisuais, radio e espectáculos). Fabricación mecánica. Madeira e moble. Informática. Mantemento e servizos á produción. Mantemento de vehículos autopropulsados. Téxtil, confección e pel (agás o ciclo de curtidos, e o de procesos de ennobrecemento textil). Vidro e cerámica.	Artes gráficas. Edificación e obra civil. Electricidade e electrónica Imaxe e son (agás o ciclo de produción de audiovisuais, radio e espectáculos). Enerxía e auga. Fabricación mecánica. Informática e comunicacións. Instalación e mantemento. Madeira, moble e cortiza. Marítimo-pesqueira (agás o ciclo de produción acuícola). Transporte e mantemento de vehículos. Téxtil, confección e pel (agás o ciclo de curtidos, e o de procesos de ennobrecemento textil). Industrias extractivas. Vidro e cerámica.	Materias da opción B · Debuxo técnico. · Tecnoloxía Industrial. · Física.
Opción C
Actividades agrarias. Actividades físicas e deportivas. Imaxe persoal. Industrias alimentarias. Actividades marítimo-pesqueiras (só o ciclo de produción acuícola). Química. Téxtil, confección e pel (só o ciclo de curtidos, e o de procesos de ennobrecemento textil). Sanidade	Agraria. Actividades físicas e deportivas. Imaxe persoal. Industrias alimentarias. Marítimo-pesqueira (só o ciclo de produción acuícola) Química. Seguridade e medio ambiente. Téxtil, confección e pel (só o ciclo de curtidos, e o de procesos de ennobrecemento textil). Sanidade.	Materias da opción C · Ciencias da terra e ambientais. · Química. · Bioloxía.

Cualificación da proba:

A proba de acceso cualificarase numericamente entre cero e dez para cada unha das partes. A nota final da proba calcularase sempre que se obteña polo menos un catro en cada parte e será a media aritmética destas con dous decimais.

Para a superación da proba será necesario acadar a cualificación mínima de 5.

Inscrición e celebración das probas de acceso a ciclos de grao superior.

Celebrarase unha convocatoria ordinaria anual de probas de acceso aos ciclos de grao superior.

A inscrición para as probas de acceso aos ciclos formativos de grao superior farase na secretaría dos institutos públicos de ensino secundario e nos centros integrados en que se impartan ensinanzas de formación profesional, nas datas que determine a Consellería de Educación e Ordenación Universitaria, segundo o modelo de inscrición que se facilite para tal efecto.

Validez da certificación de superación da proba.

Expediráselle a acreditación correspondente ao alumnado que superara a referida proba. Será válida como requisito de acceso a todos os ciclos formativos relacionados coa opción elixida para a proba.

A certificación de superación da proba terá validez como requisito de acceso en todo o territorio nacional, e manterá a súa vixencia sempre que non se modifique o título e as ensinanzas correspondentes ao ciclo formativo.

No caso de non superar a totalidade da proba, a cualificación nas partes superadas cunha puntuación igual ou superior a cinco manterase en futuras convocatorias de probas de acceso a ciclos formativos de grao superior en Galicia durante un máximo de dous anos.

Inscripción e calendario de realización das probas de acceso ós ciclos superiores

Inscrición na secretaría dos institutos nos que se imparta FP	Do 23 de febreiro ao 6 de marzo
Relación provisional persoas inscritas no taboleiro de anuncios do centro onde se realizou a inscrición	Día 23 de marzo
Reclamación a listaxe provisional de inscritos	Entre os días 24 ao 26 de marzo
Relación definitiva de inscritos	Día 17 de abril

            A solicitude por duplicado deberase presentar na secretaría dun dos centros que impartan ensinanzas de FP. O centro que tramite a solicitude deberalle entregar ó solicitante unha copia selada desta.

As probas de acceso celebraranse o día 29 de abril de 2015, no seguinte horario:

· Ás 9.00 horas : presentación.

· Das 10:15 ás 13:30 horas: Parte común da proba: matemáticas, lingua galega e lingua castelá.

· Das 16:00 ás 18:30 horas, materias específicas da opción vinculada ó ciclo formativo ó cal se desexe acceder..

As persoas inscritas deberán presentar, para a realización da proba, o DNI e copia da folla da solicitude de inscripción.

            Resultados provisionais das probas publicados nos centros onde se realizaron e na páxina web www.edu.xunta.es/fp o 15 de maio. (contra esta cualificación provisional pódese presentar reclamación os días 18 ao 20 de maio).

            Publicación da cualificación definitiva o 29 de maio nos centros onde se realizaron e na páxina web www.edu.xunta.es /fp.

Entrega de certificados nos centros onde realizaron as probas a partir do 1 de xuño..

            Na páxina www.edu.xunta.es/fp tedes información e exames de anos anteriores para consultar.

Admisión en Ciclos Formativos de Grao Superior

Solicitude de praza

Prazos de presentación de solicitudes e documentación:

Para cursar estas ensinanzas deberase facer unha preinscrición ou solicitude de admisión que con carácter xeral será nos seguintes dous prazos:

· Prazo ordinario: 17 de xuño ó 2 de xullo.

· Prazo extraordinario: 1 ó 13 de setembro.

Quen presente solicitude no prazo ordinario terá preferencia sobre quen a presente no prazo extraordinario e soamente poderá presentar a solicitude quen cumpra os requisitos académicos antes mencionados no momento da inscrición.

Cada solicitante presentará unha única instancia por duplicado) , que entregará no centro onde se imparta o ciclo solicitado en primeiro lugar e na que fará constar, por orde de preferencia, os ciclos que desexe cursar e os centros onde se impartan (pódense consignar oito preferencias de ciclos como máximo).

Ademais deberá xuntar á solicitude a seguinte documentación:

• Fotocopia cotexada do DNI:
• Quen solicite acceso directo certificación oficial da titulación requirida para o acceso.
• Quen solicite acceso mediante proba deberá achegar copia compulsada do certificado de superación da proba.

Proceso de admisión e matrícula

Solicitudes presentadas no período ordinario:

Publicación da relación provisional de solicitantes (con indicación da puntuación acadada e as opcións priorizadas) : nos primeiros días de xullo.

Poderanse presentar reclamacións ata mediados de xullo.

Publicación da relación de admitidos en cada ciclo: na segunda quincena de xullo.

Exposta no taboleiro de anuncios dos centros e na páxina web www.edu.xunta.es/fp.

As persoas admitidas en cada fase do proceso teñen a obriga de formalizar a matrícula nos prazos que se indiquen.

No primeiro curso quen non fose admitido na praza solicitada en 1º lugar poderá renunciar á praza outorgada o que implica tamén desistir de todas as demais solicitadas en opcións de menor preferencia a esa, permanecendo nas listas de espera das opcións de maior prioridade e asumindo o risco de que non se lle adxudique ningunha das prazas que solicitou, polo que no momento de renunciar debe valorar a posibilidade de que lle adxudiquen algunha das prazas sinaladas en anteriores postos de prioridade. Poderá consultalo no enderezo www.edu.xunta.es

Prazo de formalización da matrícula ou renuncia para alumnos admitidos: na segunda quincena de xullo.

F Os solicitantes admitidos que non se matriculen e non presenten renuncia neste prazo, perderán o dereito á súa praza e se escolarizarán ó final do proceso, se houbera vacantes.

Publicación dunha segunda lista de admitidos e prazo de matrícula a finais de xullo.

Solicitudes presentadas no período extraordinario:

Publicación da relación provisional de solicitantes (con indicación da puntuación acadada e as opcións priorizadas) : a mediados de setembro e prazo de reclamación.

Publicación da lista de admitidos de admitidos en cada ciclo: na segunda quincena de setembro e 1º prazo de matrícula. Exposta no taboleiro de anuncios dos centros e na páxina web www.edu.xunta.es/fp.

Publicación dunha segunda lista de admitidos e prazo de matrícula a finais de setembro. O proceso de admisión rematará a finais de setembro.

O solicitante que indique un número de móbil na solicitude de admisión recibirá unha comunicación vía SMS na que se indicará o centro e ciclo adxudicados e o prazo de matrícula ou renuncia correspondente.

F    Os prazos anteriores son aproximados tendo en conta os calendarios de cursos pasados, xa que aínda non se coñecen as datas definitivas para o acceso o curso 2015-16. No mes de maio sairán as datas oficiais que poderedes consultar no departamento de orientación ou no taboleiro de anuncios de orientación.

A continuación relaciónase a oferta dos ciclos formativos neste curso 2014-15. A oferta do curso próximo comunicarase cando estea dispoñible, normalmente a mediados de maio, tendo en conta que xa case non aparecen titulacións novas, senón pequenos cambios nos centros en que se imparten as actuais respecto ó curso anterior.