TEMA 05: AS PAISAXES DA TERRA

Os climas da Terra

Os climas cálidos: ecuatorial, tropical e desértico.

Os climas temperados: oceánico, mediterráneo e continental.

Os climas fríos: polar e de altas montañas.

A zona de clima ecuatorial: a selva

En torno ao ecuador dáse o clima ecuatorial.

As temperaturas son sempre moi cálicas.
As precipitacións son abundantes ao longo de todo o ano.
Os ríos son moi caudalosos e regulares.

A paisaxe característica da zona ecuatorial é a selva. É un bosque denso e exuberante, sempre verde, caracterizado pola gran diversidade de especies tanto vexetais (caoba, ébano) coma animais (aves e insectos). A vexetación gradúase en altura. A Amazonía é a selva máis grande do mundo.

Debido á calor e á humidade, as enfermedades son frecuentes e o solo é fráxil. Por esta razón o interior da selva está case deshabitado. Só viven algún pobos primitivos: pigmeos (África), indíxenas do Amazonas (América).

A zona de clima tropical: a sabana

Cara os trópicos aparece o clima tropical.

As temperaturas son sempre elevadas.
As precipitacións son abundantes, na zona tropical alternan dúas estacións, a estación seca e a estación húmida.
Os ríos teñen réxime irregular.

A sabana é unha enorme chaira cuberta de herbas. Entre as herbas crecen algúns arbustos e árbores dispersas de folla caduca, como a acacia e o baobab. Nas beiras dos ríos tropicais aparecen árbores propias da selva, formando o chamado bosque-galería.

Na sabana viven moitos animais herbívoros, como xirafas, gacelas e cebras, e tamén carnívoros, como os leóns.

A poboación concéntrase nas costas e na beira dos ríos.

Os desertos

O clima desértico caracterízase porque as chuvias son moi escasas.

Segundo a temperatura distínguense dous tipos de desertos:

Os desertos cálidos sitúanse en torno aos trópicos. Durante o día, as temperaturas son sempre moi elevadas. Pola noite, as temperaturas descenden moito.
Os desertos con estación fría están situados na zona temperada.

Nos desetos de area predominan as dunas.

Os ríos están secos a maior parte do ano e só levan auga cando chove. A estes cursos de auga intermitente chámaselles uadis.

A falta de auga fai que a vexetación e a fauna sexan escasas. Só existen especies adaptadas á aridez: plantas (cactos) e animais (dromedarios). Nas zonas húmidas, aparecen as palmeiras datileiras, que forman oasis.

Paisaxes de clima mediterráneo

O clima mediterráneo esténdese en torno ao mar Mediterráneo.

As temperaturas son moi elevadas no verán e suaves no inverno.
As precipitacións non son moi abundantes. Concéntranse na primavera e no outono.
Os ríos teñen un caudal irregular.

A vexetación está composta polo bosque mediterráneo, formado por árbores como as aciñeiras, as sobreiras e os piñeiros, e matogueiras e arbustos, moitos deles aromáticos (xara, romeu, lavanda..).

A paisaxe mediterránea está moi transformada. Nas últimas décadas, o turismo transformou este medio máis ca ningún outro.

A paisaxe de clima continental

A paisaxe continental esténdese polo interior dos continentes do hemisferio norte. O clima continental.

As temperaturas son moi contrastadas: o inverno é moi frío e o verán é moi caloroso.
As precipitacións concéntranse, polo xeral, no verán.
Os ríos están conxelados durante os meses máis fríos do inverno.

Vexetación da zona continental:

A taiga. Componse de árbores de folla peremne: abetos e piñeiros.
A pradaría desenvólvese en zonas húmidas e menos frías. Nas zonas máis cálidas e secas aparece a estepa, composta por herbas de pequeno talle.

A taiga está pouco poboada. A pradaría é a zona de clima continental máis humanizada.

A paisaxe de clima oceánico

A paisaxe oceánica esténdese polas costas occidentais das zonas temperadas. O clima oceánico.

As temperaturas son suaves durante todo o ano.
As precipitacións son abundantes e regulares.
Os ríos teñen un caudal regular.

A vexetación é abundante e moi verde. Hai extensos prados, bosques de folla caduca, como as faias, os carballos e os freixos. Nas zonas con solos pouco fértiles aparece a landa, unha formación vexetal de arbustos, herbas e matogueiras.

A zona oceánica é un medio moi poboados.

A paisaxe de clima polar

Sitúase entre os círculos polares e os polos. Clima polar.

Temperaturas, é o maís frío da Terra.
As precipitacións son escasas e caen en forma de neve.

O xeo e a neve son os elementos típicos da paisaxe polar, que destaca polo seu aspecto branco.

Nas franxas maís próximas á zona temperada aparece un curto verán, alí crece a tundra, formada por carrizas e liques. Na tundra habitan renos, raposos e lobos.

Estes medios son moi difíciles para a vida humana.

A paisaxe de clima de alta montaña

Nos cumes máis elevados dáse o clima de alta montaña.

As temperaturas son frías.
As precipitacións son abundantes.

As temperaturas e as precipitacións modifícanse coa altitude: conforme ascendemos pola montaña, as temperaturas son máis frías e as precipitacións aumentan.

A vexetación vai cambiando coa altitude.