|
DAMOS UNHA VOLTA POR EUROPA? |
|
O IES FENE tamén participa en proxectos de mobilidade de profesorado ao estranxeiro: 4 profesores dos ciclos de mantemento electromecánico e instalacións térmicas farán unha visita de estudio de 1 semana de duración a un centro de formación profesional danés: Skive Tekniske Skole. Esta visita servirá como punto de encontro para o intercambio de boas prácticas educativas para profesorado con perfil eléctrico. Ademais, este centro organizará visitas a empresas e entidades do seu entorno de interese dentro do contexto da formación profesional. Na primavera do 2010, o CIFP FENE foi o anfitrión dunha visita realizada por 2 profesores deste centro educativo no contexto dun Leonardo da Vinci organizado pola Consellería de Educación. Por outra banda, o IES FENE solicitou xunto con 10 entidades internacionais máis, relacionadas dalgún xeito coa formación profesional, un proxecto Leonardo da Vinci de Asociacións que pretende implementar nun prazo de 2 anos unha rede que facilite a mobilidade de alumnos e profesores das entidades participantes. O alcance deste proxecto é bastante amplio: Portugal, España, Reino Unido, Holanda, Alemaña, Dinamarca, Grecia, Polonia, Lituania e Italia. Esta modalidade de formación para o alumno e unha experiencia inesquecible, porque non solo lles permite mellorar a súa formación técnica se non que tamén é unha oportunidade de crecemento persoal xa que se enfrontan a moitos retos. Na maioría dos casos saen do núcleo familiar e teñen que vivir de forma independente nun país con unha lingua distinta e solucionar os problemas cotiás da vida. Coñecen a cultura e o modo de vida de outro país o cal tamén os enriquece. Esta experiencia queda reflectida no curriculum e moitas empresas valórana positivamente xa que demostra a iniciativa e autonomía do alumno. Como exemplo temos un alumno dos que foi a Varsovia que agora está traballando en Inglaterra Aínda que non temos moita experiencia, todos os alumnos quedaron moi satisfeitos, coñeceron xente nova, melloraron no idioma e fixeron amizades que seguen mantendo.
José Luis Souto
|
