v
A
REALIDADE QUE SE ESCONDE DETRÁS DOS CIRCOS.
Os
circos son unha diversión humana pero,ó mesmo tempo, un sufrimento animal.
Cando non están diante dos focos, estas fermosas criaturas, nacidas para vivir
en liberdade, permanecen pechadas con cadeas en escuras gaiolas. Son vidas de
reclusión e soidade que os avellentan prematuramente. Un elefante vive uns 70
anos en liberdade, no circo morre con 14 anos.
Gaiolas,
cadeas, sufrimento, longas horas de estrada,látegos, crueis métodos de
adestramento, castigos, descargas eléctricas, golpes, drogas...
Estes animais inocentes
pasarán o resto da súa vida nunha pequena prisión.
Os
circos con animais son un claro atentado contra a liberdade.Os animais, seres
vivos, son separados á forza das súas familias e encerrados. Sobreviven a cotío
en moi malas condicións físicas, e sempre en pésimas condicións psicolóxicas;
isto conduce ao desenvolvemento de conductas antinaturais e agresivas, e a unha
morte prematura.
Son
sometidos a duros adestramentos e castigos. Nas súas xiras son obrigados a
soportar horas de viaxe en condicións
extremas e baixo duros climas aos que non están habituados,sen luz,nin
auga, nin ventilación...
Penso
que é necesaria unha educación mediante a cal aprendamos a coñecer, gozar e,
sobre todo, respectar a natureza e os animais en liberdade, e non a explotalos
e posuílos.
Existen circos sen
crueldade, que inclúen números acrobáticos, musicais, humorísticos nos que non
se incorporan animais nas súas actuacións.
v OS ZOOLÓXICOS
Aínda que pareza que nos zoos os animais están ben, a
realidade non é esa; detrás dos zoos ocúltase o trauma que estes supoñen para
estes seres vivos.
Son obtidos mediante
capturas ilegais nas cales se moven moitos cartos, si, cartos a cambio de moito
sufrimento. Unha vez capturado, o animal sofre unha experiencia moi dura: de
súpeto atópase só, separado dos demais membros do seu grupo, acosado e
indefenso. A viaxe ao seu destino será longa e penosa, pechado nun espacio
reducido no que a penas pode moverse, rodeado de barrotes,constantemente
recibindo golpes, soportando cambios bruscos de temperatura, fame, sede
......Non é estraño que unha porcentaxe elevada destes animais destinados a
venderse en zoos non chegue xamais ó final do traxecto.
Nos zoos son case imposibles a reproducción e a
supervivencia de animais en perigo de extinción ; normalmente empréganse
técnicas de fertilización artificial, que non sempre acadan éxito.
Non vos estrañedes se oídes que un animal agrediu ao
seu coidador; é normal que estes desenvolvan conductas agresivas, debido á
presión a que están sometidos....Non hai que esquecerse que eles tamén son
seres vivos e que senten.
Hai moitos máis casos nos que se maltratan animais;
cada ano millóns de animais sofren unha vida miserable e morren cruelmente ,
son víctimas dos seguintes intereses económicos:
Ø Industria militar (
responsable da morte de animais ao probar neles o armamento ).
Ø Industria cosmética :
Algunhas empresas experimentan os seus productos en animais; aí van os nomes dalgunhas: Ambre Solaire,
Biotherm, Cacharel, Clinique, Eau Jeune, Garnier, Giorgio Armani, Gloria
Vanderbilt, Johnson & Johnson, Vichy...e moitas máis; así que, xa sabes, se
che gustan os animais non consumas productos destas marcas xa que estás contribuíndo
á súa destrucción, e é posible que deixen de experimentar neles se todos
colaboramos.
Ø Industria peleteira:
Capturan mediante trampas ou cepos e son os causantes de mortes brutais,
estrangulados ou electrocutados co único obxectivo de comercializar as súas
peles.
Ø A vivisección: O
dantesco mundo da investigación e experimentación mata ó ano millóns de animais
en repetitivos e absurdos experimentos.Só o 10% da masacre destes animais ten
unha finalidade sanitaria.
Ø Absurda caza: Cada ano miles de
cazadores saen ó monte a matar indiscriminadamente a femias preñadas, especies
protexidas ou machos dominantes sen os cales as mandas quedan desprotexidas.
Xera tamén contaminación de montes, ríos, campos, cos cartuchos de plástico e
co chumbo que estes conteñen. Penso que non existe ningunha xustificación para
a caza; eu non considero que sexa un deporte.
Ø O comercio de especies: É
un gran negocio que move miles de millóns ó ano. A compravenda de animais
exóticos contribúe a unha gran ameaza para a desaparición de moitas especies.
Moitos morren durante a súa captura ou cando son transportados ao seu destino,
a tenda, onde permanecerán engaiolados ata seren mercados.
Ø A tauromaquia: Tamén coñecida como
a “festa nacional”,unha “festa” que recibe todo o apoio gobernamental.
Parécenme patéticas as corridas de touros.Son torturados e humillados e antes
de morrer ¡o que teñen que soportar!: as diferentes armas utilizadas antes da
morte do animal teñen como obxectivo debilitalo, para que o toureiro poida
matalo doadamente. A morte do touro é lenta e dolorosa, xa que case nunca morre
na primeira estocada. Sofren intensas hemorraxias debidas ó cravo de arpóns,
banderillas...algunhas destas armas teñen a función de “humillalo”, é dicir,
que agache a cabeza para que o matador poida introducirlle a espada mortal.
Cando non morre crávaselle unha especie de coitelo na medula espiñal, o touro
queda paralizado pero consciente, é dicir, vivo.
Ø Os
cabalos son as víctimas esquecidas das corridas de touros; en numerosas
ocasións reciben embestidas que lles abren as tripas, e, por outra parte, é
necesario drogalos e taparlles os ollos para que saian á praza, xa que doutra
maneira o terror que senten ó ver o touro faríaos fuxir.
Ø Estes
son algúns dos moitos casos que hai de maltratos de animais.
Ø ¡¡¡¡¡¡Basta
xa!!!!!!!
M.M.C.