E A NÓS, ¿QUE NOS IMPORTA?

Ultimamente están a xogar moito coa nosa curiosidade. Gran Hermano I, O Bus, Gran Hermano II. E a nós, ¿que nos importa? ¿Que é o que lles vemos a uns cantos tipos vivindo nunha casa ou nun autobús? ¿ Que ten iso de especial? ¿Acaso é algo fóra do normal?

Ben, normal de todo si que non é.

Están a xogar connosco, coa nosa curiosidade e coa nosa gana de saber cousas das persoas alleas, e nós, cómo non, seguímoslle-lo xogo.

Que se o veciño cambiou os mobles da cociña, que se o outro vai casa-la filla, que se Rociíto lle pon os cornos ó mozo... e agora ¡PÓÑENNOLO EN BANDEXA! Ensínanno-la casa a todas horas, o que fan, o que din, que se casan, que se descasan, que se están nominados, que se os botan. E o mellor é que hai xente á que lle interesa (e que non gaña cartos co mesmo) e que perde de durmir ou de estar cos amigos por sabe-lo que lle pasa a Faina e a toda a tropa.

E conforme se di o de Gran Hermano, dise polas revistas. Agora si que teño que recoñecer que antes, cando saía o meu ex-grupo favorito, facía todo o posible para consegui-la revista, pero agora doume conta de que non me valía para nada.

Se che gusta un grupo, está ben, e vexo normal que síga-la súa traxectoria MUSICAL, pero non que só mires se sae con esta ou coa outra, ou con este ou co outro. Iso qué máis che dá, se o que realmente che gusta é a súa MÚSICA.

E non é só dos famosos, (se casan, se teñen moza, se mercaron un piso, mellor dito, unha casa, en Marbella...), senón tamén dos xogos eses do amor que che din se tes futuro co rapaz que che gusta.

O outro día vin un no que aparecía unha ruleta con preguntas e os signos do zodíaco que supostamente tiñan que ser do rapaz que che gusta. E ¿que pasa? Se o rapaz que che gusta é Saxitario, ¿van te-la mesma reacción cara a ti tódolos Saxitario? ¡¡¡Veña!!!... E o mellor é que hai xente que o cre...

Pero... ¡¡¡CANDO NOS IMOS DAR CONTA DE QUE ESTÁN A XOGAR COA NOSA CURIOSIDADE E, EN DEFINITIVA, CON NÓS MESMOS!!!

Quero dicir que debemos utiliza-la nosa curiosidade para aprender cousas novas, que aumenten o noso coñecemento e nos sexan útiles.

E se en vez de preocuparnos tanto pola vida dos demais, nos adicaramos un pouco máis a mellora-la nosa...

Laura Ramos

4ºA