O COMPORTAMENTO

Persoalmente sei que o comportamento que hai que ter na aula ten que ser correcto: non falar mentres a profesora está impartindo a súa materia, non despistarse na clase, senón atender ás explicacións, non facer bromas cos compañeiros, non burlarse da profesora, non levantarse sen o consentimento da mestra, facer exercicios, entre outras cousas. Pero tamén creo que hai que ter en conta o estado emocional do alumnado. Moitas veces vimos do recreo e aínda estamos moi activos e non nos damos adaptado á clase. Outras veces temos algún problema que non nos deixa concentrarnos na materia que nos toca.

Tamén hai que poñerse na situación da xuventude e pensar que estamos nunha idade con moitas emocións, confusións..., é dicir, o o que se lle chama a "idade do pavo".

O papel do profesorado é bastante difícil porque ten que aguantar e dirixir a toda a panda de inmaturos que somos nós. Pero creo que se unha persoa ten vocación para profesor/a, o que ten que facer é educarnos, tolerarnos e respectarnos.

Iolanda López Garabatos

S3B