Pura ficción

Pura ficción creada

pola miña inocente fantasía,

soño inevitable noite tras noite

cada vez que a miña mente

entra nese mundo que desexa habitar;

mundo irreal do que eu son princesa,

onde beizos, mans, cabeza e corazón

perténcenme e onde que ti me ames

non é imposible.

A paixón incontrolable

fai que te achegues e me confeses

todo o que eu sempre quixen

espertar en ti...

Cabeza e corazón comezan

a loita acostumada e todo se transforma

nunha ilusión frustrada, agora tan só

son unha princesa desterrada,

lonxe desa ficción que

me fai dona absoluta

dos teus pensamentos.

S.P.B.