" ¿QUEN É O GAÑADOR/A? "

"Gran Hermano" volveu coa forza dun ciclón.

Aínda que está comezando, xa todo o mundo quere saber quen vai ser o gañador/a.

Despois dunhas semanas xa todos teñen os seus favoritos/as.

Aquí gañará o que cative ó público. A diferencia dos concursantes do ano pasado, estes saben da repercusión que ten o programa; saben que o público non perdoa nada, por exemplo, traizón, conspiración,... Por iso os concursantes séntense molestos ó teren que nomear.

A propia dinámica do concurso fai que o inimigo estea na propia casa.

O gañador terá que gañar ós compañeiros/as antes de nada. O gañador será o que sexa bo compañeiro, pero sen pasarse de rosca, porque se non sería unha ameaza para os outros, e o grupo intentaría eliminalo. O gañador será alguén que colabore nos traballos da casa, que se comunique e que fale sen querer ser o protagonista absoluto.

En resumo, o gañador de "Gran Hermano"-2001 será guapo/a, correcto/a, amigo/a dos seus amigos, atento/a, servicial, sincero/a, divertido/a e con espírito deportivo para poder competir.

Como votan máis mulleres que homes, os rapaces da casa teñen máis probabilidades que as rapazas de levar os vinte millóns.

¿Quen é o teu favorito/a?.

CHUS.