XORNADA DA MULLER - COOPERATIVA MELISANTO (23 de outubro)

Organízase a participación nesta xornada, de maneira que o coordenador do proxecto, xunto co Xefe de Estudos de nouturno, dous ex-alumnos e unha alumna actual falan a un público de 250 persoas (maioritariamente mulleres) sobre as vantaxes do estudo á idade adulta. Introdúceselles na oferta educativa, despois preséntaselles o programa Grundtvig, e finalmente expóñenselles experiencias persoal (os alumnos), para rematar cun breve turno de preguntas por parte do público.

REVISTA INTRES

Decídese crear unha sección na publicación adicada ó alumnado de EPA, onde estes poden expresarse libremente. En concreto os alumnos e alumnas escriben sobre a relevancia das mulleres na historia, así como a súa repercusión nas ciencias, nas artes, e na sociedade. Para visitar estas páxinas, preme aquí.

CASA DAS CIENCIAS E ACUARIUM (17 de novembro)

Despois de ter traballado na clase sobre o papel da muller na historia, e de ter realizado uns proxectos sobre distintas mulleres que acadaron o premio Nóbel ao longo do século XX, aproveitamos a ocasión de visitar unha exposición na Casa das Ciencias da Coruña titulada "La otra mitad de la ciencia" (preme aquí para facer unha visita virtual), baseada en mulleres que destacaron polo seu labor científico.A continuación visitamos o Acuario-Casa dos peixes.

VIAXE A BÉLXICA (do 15 ao 19 de decembro de 2004)

Os catro socios reúnense en Hasselt (Bélxica) durante seis días para participar nunha serie de novas actividades e ó mesmo tempo poñer en común experiencias de cadaquén, así como para planificar o traballo conxunto para o resto do curso. Na viaxe os anfitrións intentaron que tivesemos contacto co maior número posible de organismos e institucións relacionadas coa formación de persoas adultas:
Charlas e coloquio no KHLim, lugar de traballo dos colegas belgas, adicado a impartir ensinanzas preuniversitarias a alumnado adulto. Presentación da súa oferta educativa, así como unha explicación do panorama educativo a nivel nacional. Posterior coloquio centrado principalmente na comparación entre os distintos sistemas educativos relacionados con adultos nos distintos países.
Vídeo-conferencia do grupo que estaba en Bélxica cun grupo de Sollefeta (Suecia). Os temas foron basicamente o contraste de visións e perspectivas da oferta educativa. En ambos centros estaban a realizar estudos de Traballo Social para adultos.
Visita ó sindicato católico (maioritario en Bélxica), e expliación da situación laboral e de busca de emprego, e de como afecta á poboación adulta da zona. Previa charla sobre o esquema sindical do país, así como datos relativos á abundante inmigración que recibe nos ultimos anos. Posterior debate.
Visita ó centro ARKTOS, de ensinanza non regrada. Nel explicóusenos que alí acoden xoves adultos que tiveron problemas coa xustiza, e de como nel reeducan os seus valores e atitudes para a reintegración na sociedade. Resultou especialmente interesante por descubrir que non teñen un programa de materias ou asignaturas, senón que a través do traballo diario en talleres consiguen recobrar os valores cívicos necesarios para a súa rehabilitación.
Visita a un centro de estudos para adultos. Nel fomos invitados a clases de informática, de confección e patronaxe, floristería, cociña, e outros. Finalmente fomos ás aulas de idiomas, e os profesores españois tivemos a oportunidade de intercambiar impresións co alumnado que estudaba español.
Visita ó Comité de Emprego Subrexional e ó Servizo Flamenco para a Búsqueda de Traballo. Despois dunha charla e posterior debate sobre como funciona o servizo correspondente ó noso INEM, visitamos as intalacións nun centro particular nas que se ofrecía formación e perfeccionamento en mecánica e derivados.
Reunións sobre o programa Grundtvig. Posta en común entre os catro socios do traballo realizado en cada un dos nosos lugares de orixe, e planificación do traballo a realizar á volta a casa. Nunha reunión nunha sala de informática, impártese unha charla sobre como crear e mellorar unha páxina web escolar, con vistas á realización dunha sección na nosa web adicada a EPA.

ENTREVISTA EN RADIO MELIDE (20 de decembro)

O coordenador acode á emisora municipal acompañado dunha alumna de Educación de Adultos. Nunha entrevista explícase a esencia do programa, así como as actividades realizadas e por realizar. A alumna conta a súa experiencia na EPA.

CONTACONTOS - CÁNDIDO PAZÓ (21 de decembro)

Contratouse a actuación do coñecido actor, escritor e autor teatral (preme aquí para coñecelo mellor), e decidiuse abrir as portas tamén a xente externa ao instituto, de maneira que na actuación se xuntaron rapaces, adultos, e nenos. Realizouse un cartel anunciador previo á actividade.

PRENSA LOCAL

Entrevista cunha xornalista do xornal local CERNE (de ASETEM - Asociación de Empresarios Terra de Melide). A reportaxe aparece no número 2 da publicación, en xaneiro de 2005.

PÁXINA WEB

Decídese co resto dos socios europeos crear nas páxinas webs dos nosos centros unha sección especialmente adicada a EPA. No IES Melide comézase a construila, coa axuda do profesor Manuel Castro. Periodicamente vanse introducindo datos nela. As seccións fundamentais coas que contará serán: INFORMACIÓN, PROXECTO EUROPEO, SECCIÓN DE ALUMNADO e GALERÍA DE FOTOS. Na sección do ALUMNADO preténdese introducir traballos realizados polo alumnado nas aulas, así como outros materiais, como o elaborado para INTRES, etc., tratando de acadar así unha implicación por parte deles que faga que a sección cobre interese de visitas.

CUÑA RADIOFÓNICA

O grupo de alumnos de 4º de ESO, xunto co profesor-titor, elaboran un anuncio radiofónico promocional para invitar á poboación a acudir á ensinanza de adultos. Este anuncio é retransmitido en Radio Melide tódolos días, dúas veces ao día.