Páxina seguinte

¡ XA TEMOS O XP EN GALEGO !
A Dirección Xeral de Política Lingüística chegou a un acordo económico coa empresa Microsoft para a traducción do sistema operativo XP ao galego.
Isto foi conseguido gracias á Mesa pola Normalización Lingüística, que lle enviou un fax ao xigante estadounidense pedíndolle que comercializase o sistema operativo Windows XP e o Microsoft Office en galego, ou se non realizaría unha campaña de boicot contra a empresa estadounidense en institucións e centros de ensino.
Ao día seguinte da ameaza da Mesa, a responsable da Área de Clientes de Microsoft, púxose en contacto coa asociación para comunicarlle que a traducción se produciría en dúas semanas.
En concreto, este acordo fai referencia a un arquivo lip, que permite a visualización dun sistema castelán en galego.
Hai que lamentar que haxa que chegar a un anuncio de boicot para que unha empresa mude a súa actitude discriminatoria cara aos galegos e galegas, xa que noutras linguas como o catalán e o vasco xa existe esta traducción.
Unha vez máis, unha organización social demostra que cun mínimo de interese e vontade se poden conseguir éxitos para a normalización do noso idioma.
Esta traducción, que estará dispoñible antes do verán, conta co aval lingüístico do Termigal e nela leva investidos oito meses de traballo.
Lucas Freire Taboada 1º B.A.C. - A