| |
www.aytolacoruna.es, en castelán, claro. O novo portal web
municipal do Concello de A Coruña é a única web
das sete cidades galegas que non recibe en galego aos visitantes.
O concello coruñés amosa unha vez máis a total
falta de sensibilidade co galego e convértese así na
única cidade galega coa súa páxina en castelán.
Polo tanto, os toxos do noso Dálle á lingua son para
o Concello de A Coruña.
FLORES para...
O Consello da Cultura Galega, entidade que acaba de acometer o proxecto
de sacar á luz unha análise polo miúdo do que
foron os vinte anos que levamos nese proceso que chamamos de "normalización
lingüística". Acaba de tirar xa o primeiro volume,
no que se mira con lupa todo o que se leva feito desde que temos
Estatuto de Autonomía, e incluso desde antes. A análise
complétase, claro, cunha batería de propostas para
mellorar os resultados (que ata agora foron bastante calamitosos,
por certo). A este volume han seguir outros nos próximos
meses, estes xa cada un deles analizando os diferentes sectores
sociais un por un. Os nosos parabéns polo traballo.
|
|
