................... .........................................................................Páxina 2 >>>

A TOPONIMIA EN GALIZA
Despois de vinte anos da aprobación da Lei de Normalización Lingüística, as Administracións galegas seguen a ignorala. Durante anos e anos, os nosos nomes de lugar sufriron as deturpacións castelanizadoras e caprichosas. A lei antes mencionada, trataba de evitar este feito, pero o certo é que soamente o empeño cidadán conseguiu que as formas maioritariamente utilizadas e preferidas pola poboación na actualidade, sexan as xenuínas. Aínda así, hai multitude de lugares que seguen sen acatar a denominación orixinal galega. Sirva, a modo de exemplo, que existe un distrito marítimo denominado "Vivero" pertencente á provincia marítima de "El Ferrol del Caudillo"(!!!), ou os distritos de "La Coruña" e "Noya" adscritos á provincia de "La Coruña". Tamén temos "Bayona", "Tuy", "Villagarcía de Arosa", "Santa Eugenia de Ribeira", "El Grove"... O mesmo ocorre con accidentes xeográficos como "punta Fajilda", "río Barjas", "isla de La Toja", "isla de Arosa", "punta de La Vela"...
Esperemos que o Goberno galego trate de solventar esta situación, porque os cidadáns de Galiza estamos orgullosos da nosa lingua e dos nomes dos nosos lugares.