CRITERIOS DE AVALIACIÓN. FÍSICA DE 2º DE BACHARELATO LOXSE.
1.- Interpretar e analizar o concepto de
campo gravitatorio.
Este
criterio pretende comprobar se o alumnado:
Ø Comprende o concepto físico de
campo.
Ø Comprende o concepto físico de
campo gravitatorio.
Ø Sabe analizar as características
dos campos de forzas conservativos.
2.- Establecer e analizar as magnitudes
básicas relativas ó campo gravitatorio.
Este
criterio pretende comprobar se o alumnado:
Ø É capaz de interpretar a forza e
a intensidade do campo gravitatorio, creado pola Terra ou por outros corpos
celestes, en cuestións e problemas.
Ø É capaz de analizar a forza e a
intensidade do campo gravitatorio, creado pola Terra ou por outros corpos
celestes, en cuestións e problemas.
Ø É capaz de interpretar a enerxía
potencial e o potencial do campo gravitatorio en cuestións e problemas.
Ø É capaz de analizar a enerxía
potencial e o potencial do campo gravitatorio en cuestións e problemas.
Ø É quen de realizar as
interpretacións e análises anteriores do punto de vista gráfico e analítico.
Ø É capaz de realizar un estudio
gráfico e analítico das interaccións entre masas puntuais.
3.- Enunciar e interpretar as leis de Kepler
do movemento planetario.
Este
criterio pretende comprobar se o alumnado:
Ø É capaz de aplicar as leis de
Kepler profundizando na súa utilización para a resolución de cuestións e
problemas.
4.- Recoñecer, analizar e avaliar diferentes
situacións-problema contemplando aspectos cinemáticos, dinámicos e enerxéticos
relativos ó campo gravitatorio.
Este
criterio pretende avaliar se o alumnado:
Ø É capaz de resolver problemas e
cuestións relativos a corpos situados nas proximidades de superficies
planetarias, en estado de movemento ou de repòuso.
Ø É capaz de valorar e aplicar os
aspectos cinemáticos, dinámicos e enerxéticos apropiados contidos nos problemas
e cuestións anteriores.
Ø É capaz de calcular a velocidade
de escape dun corpo en traxectoria orbital.
Ø É capaz de calcular a enerxía
total dun corpo en traxectoria orbital.
1.- Analizar as interaccións electrostáticas, o campo electrostático, o potencial e a enerxía, xerados por cargas eléctricas puntuais.
2.- Resolver e representar as interaccións electrostáticas, o campo electrostático, o potencial e a enerxía, xerados por cargas eléctricas puntuais.
Con estes criterios preténdese
que o alumnado:
Ø Saiba relacionar e analizar
conceptos relativos a forzas electrostáticas, campo, potencial e enerxía
potencial en distribucións sinxelas de cargas puntuais.
3.- Definir o Teorema de Gauss.
Con
este criterio preténdese que o alumnado:
Ø Coñeza o Teorema de Gauss.
4.- Aplicar o Teorema de Gauss ó cálculo do
campo creado por esferas conductoras..
Con
este criterio preténdese que o alumnado:
Ø Saiba aplicar o Teorema de Gauss
a distribucións contínuas de cargas.
Ø Sexa capaz de establecer a
relación entre campo e potencial.
5.- Analizar as interaccións magnéticas entre
cargas en movemento.
6.- Analizar as interaccións magnéticas entre
campos magnéticos entre correntes eléctricas entre sí.
7.- Resolver e representar (se é o caso) as
interaccións magnéticas entre cargas en movemento e campos magnéticos entre
correntes eléctricas entre sí.
Con
estes criterios preténdese que o alumnado:
Ø Exprese o grao de coñecemento
sobre o resultado das interaccións magnéticas entre cargas en movemento e
campos magnéticos mediante a resolución de cuestións e problemas
Con este criterio preténdese:
Ø Verificar o grao de coñecemento
que o alumnado ten sobre as interaccións magnéticas referidas con
anterioridade.
8.- Definir e aplicar Lei de Ampere ó cálculo do campo creado por
fíos infinitos, espiras e bobinas.
Con
este critewrio preténdese que o alumnado:
Ø Enuncie a Lei de Ampere.
Ø Interprete a Lei de Ampere.
Ø Relacione a Lei de Ampere coa
Lei de gauss do campo eléctrico.
Ø Analice a aplicación da Lei de
Ampere para o cálculo do campo magnético creado por fíos infinitos, espiras e
bobinas, tanto en cuestións como en problemas.
9.- Analizar as leis de inducción de Faraday
e a Lei de Lenz.
Con
este criterio preténdese:
Ø Valorar a capacidade do alumnado
para interpretar o enunciado das leis de Faraday e de Lenz.
Ø Que o alumnado recoñeza a
transcendencia das leis anteriores para a explicación dos fenómenos
electromagnéticos.
10.- Analizar a producción de corrente
alterna a partir da comprensión dos fundamentos dun xerador.
Con
este criterio preténdese que o alumnado:
Ø Sexa quen de analizar e
interpretar a orixe da corrente alterna baseándose no fenómeno da inducción
electromagnética.
1.- Determinar e avaliar as características xerais do movemento harmónico simple.
Este criterio pretende comprobar
se o alumnado:
Ø É capaz de definir as
oscilacións harmónicas utilizando unha descrición das oscilacións nas
coordenadas espacio-tempo (definición cinemática) ou ben utilizando unha
descrición referente á causa que as provoca (definición dinámica).
Ø É capaz de analizar as
consideracións cinemáticas, dinámicas e enerxéticas que caracterizan un
movemento harmónico simple.
Ø É quen de aplicar as
consideracións anteriores para resolver problemas e cuestións relativos ó
resorte elástico e ó péndulo simple.
2.- Estimar as características do Movemento
Ondulatorio.
Este criterio pretende comprobar
se o alumnado:
Ø É capaz de comparar distintos
fenómenos ondulatorios da vida cotiá.
3.- Clasificar os diferentes tipos de ondas
en función de diferentes criterios de clasificación.
Este
criterio pretende comprobar se o alumnado:
Ø Pode analizar os factores que
condicionan a existencia dun movemento ondulatorio, para distinguir entres os
diferentes tipos de ondas, valorando o por qué desa clasificación.
Ø É quen de clasificar os
movementos ondulatorios da vida cotiá de acorda cos criterios anteriores.
4.- Analizar e relacionar as magnitudes que
aparecen na ecuación de onda harmónica.
Con
este criterio preténdese que o alumnado:
Ø É capaz de analizar a ecuación
dunha onda harmónica.
Ø Identificar as magnitudes que
aparecen na ecuación dunha onda harmónica.
Ø Relacionar as magnitudes que
aparecen na ecuación dunha onda harmónica.
Ø Resolver cuestións teóricas e
numéricas para obter os valores da amplitude, lonxitude de onda, frecuencia e
velocidade a partires dunha ecuación de onda dada.
5.- Relacionar os conceptos de intensidade e
enerxía do movemento ondulatorio e explicar o amortecemento das ondas.
Con
este criterio preténdese que o alumnado:
Ø Sexa capaz de determinar a
intensidade e a enerxía do movemento ondulatorio.
Ø Sexa capaz de xustificar cómo
varían a intensidade e a enerxía do movemento ondulatorio en función da
distancia e do medio.
6.- Xustificar os fenómenos de reflexión,
refracción, difracción, polarización, interferencia de ondas e resonancia
mediante procedementos cualitativos.
Con
este criterio preténdese que o alumnado:
Ø Sexa capaz de discriminar entre
os diferentes tipos de fenómenos ondulatorios, analizando as leis que os
regulan.
Ø Sexa quen de xustificar a
resolución de cuestións plantexadas en base as leis dos diferentes fenómenos
ondulatorios.
Ø Se achegue ó estudio das ondas
sonoras e das características ondulatorias da luz mediante a axuda da análise
dos fenómenos ondulatorios precedentes.
7.- Contrastar experimentalmente o
cumprimento da lei de Hooke, analizando as características do movemento
oscilatorio dun resorte así como determinar a constante elástica polos métodos
estático e dinámico.
Con
este criterio preténdese que o alumnado:
Ø Deseñe e realice unha montaxe
experimental que permita analizar as características cinemáticas e dinámicas do
movemento harmónico simple dun mol elástico, tomando datos, plantexando e
contrastando hipóteses e establecendo as conclusións oportunas dobre a
realización da experiencia.
8.- Avaliar experimentalmente os factores dos
que depende o período dun péndulo simple e determinar o valor da gravidade no
laboratorio, analizando os resultados obtidos.
Con
este criterio preténdese que o alumnado:
Ø Sexa quen de analizar o
movemento harmónico simple dun péndulo, xustificando as desviacións
experimentais do modelo teórico plantexado.
Ø Aplique os datos obtidos na
experiencia ó cálcula da aceleración da gravidade.
1.- Establecer a diferencia entre Óptica Física e Óptica Xeométrica
2.- Resumir as diferentes teorías que ó longo da historia se propuxeron para explicar a natureza da luz.
Con este criterio preténdese que
o alumnado:
Ø Sexa quen de sintetizar os
feitos máis salientables da öptica ó longo da historia, analizando as
diferentes teorías sobre a natureza da luz como exemplo paradigmático da forma
de contruir o coñecemento científico.
3.- Verificar as leis da reflexión e
refracción, determiñando as imaxes obtidas en espellos e lentes.
Con
este criterio valórase:
Ø Que o alumnado é capaz de
analizar as leis da reflexión e da refracción, inferindo a partir delas o
compostamento de feixes de raios na formación de imaxes en espellos e lentes.
Ø Que o alumnado saiba determinar
e identificar graficamente imaxes reais e virtuais, dereitas ou invertidos e
aumentadas ou reducidas.
4.- Aplicar a ecuación do constructor de
lentes para determinar a distancia focal dunha lente a partir dos radios de
curvatura das superficies.
Con
este criterio preténdese comprobar se o alumnado:
Ø É capaz de situar a imaxe
formada por un espello ou por unha lente delgada e de aplicar a ecuación de
espellos e lentes ó cálculo das magnitudes correspondentes.
5.- Comprobar experimentalmente o mecanismo
de formación de imaxes cunha lente delgada. Identificar os conceptos básicos da
óptica xeométrica (lentes, imaxes reais e virtuais, focos, aumentos...),
calcular a distancia focal en lentes converxentes e estudiar a posición,
natureza e tamaño da imaxe en función da distancia entre obxecto e lente.
6.- Analizar cualitativamente os fenómenos de
interferencias, difracción e polarización.
Con
este criterio preténdese avaliar se o alumnado:
Ø É capaz de explicar o
comportamento dual da luz en fenómenos tipicamente ondulatorios como as
interferencias e a difracción, establecendo de xeito cualitativo e experimental
as características de interferencias, difracción e polarización de raios
luminosos.
1.- Enunciar e analizar os postulados de Einstein da relatividade especial.
Con
este criterio preténdese verificar:
Ø O grao de coñecemento que ten o
alumnado sobre a física relativista, valorando a figura de Einstein no contexto
da Física Moderna e as súas aportacións.
Ø Se o alumnado é quen de enunciar
os postulados básicos da teoría da relatividade especial e algunhas das súas
implicacións, mediante cuestión directas e sinxelas.
2.- Coñecer as bases experimentais e teóricas
da Teoría Cuántica.
Con
este criterio preténdese comprobar que o alumnado:
Ø É quen de recoñecer e
interpretar os feitos máis salientables que levaron ó plantexamento da Mecánica
Cuántica, como a teoría cuántica de Planck, a teoría fotónica de Einstein, a
dualidade onda-corpúsculo, e o principio de indeterminación de Heisemberg.
3.- Xustificar a natureza cuántica da luz a
partir da análise do efecto fotoeléctrico.
Con
este criterio preténdese comprobar que o alumnado:
Ø Valora as implicacións que se
derivan do estudio do efecto fotoeléctrico a respecto da natureza dual da luz.
Ø É capaz de coñecer as
características do fotón como partícula contituínte da luz.
Ø É capaz de aplicar a ecuación
fotónica de Einstein á resolución de problemas e cuestións.
4.- Recoñecer os aspectos máis salientables
no ámbito da Físisa Nuclear.
Con
este criterio preténdese verificar se o alumnado:
Ø É quén de aplicar as ideas das
interaccións fundamentais para xustificar a estabilidade dos núcleos atómicos.
Ø É capaz de identificar a
equivalencia masa-enerxía nos procesos radiactivos das reaccións nucleares.
Ø Coñece os diferentes tipos de
desintegracións radiactivas e as leis que as rixen, aplicando estes
coñecementos á resolución de exercícios numéricos e cuestións.
Ø É quén de valorar e analizar as
aplicacións tecnolóxicas derivadas da enerxía nuclear.
Ø É quén de identificar as
vantaxes e inconvintes da enerxía nuclear de fisión fronte á alternativa das
enerxías convencionais e renovables.
En Melide, a 20 de setembro de 2004.