|
|
SISTEMA DE AVALIACIÓN |
|
||||||||||||
|
|
Durante
o curso escolar 2004-2005 o sistema de avaliación que se empregará para esta
materia estará estructurado en base
aos seguintes elementos e estará baseado nos criterios de avaliación que
figuran en documento anexo: 1.
En cada trimestre
realizaranse un total de dúas probas escritas, agás no último que só se
realizará unha. A primeira proba versará sobre a materia que ata ese momento
se leve impartido. O temario para a segunda abranguerá a totalidade dos temas
explicados no trimestre. Realizarase unha media das cualificacións das dúas
probas para obter unha única. 2.
Existirá a posibilidade
de realizar voluntariamente unha proba de preparación adicional a primeiros
do mes de xaneiro de 2005. Se é superada con suficiencia entenderase que o/a
alumno/a logra unha avaliación positiva da 1ª avaliación coa cualificación de
5 ou 6, independentemente da cualificación acadada na proba escrita de
preparación adicional. 3.
Tamén se poderá realizar
unha proba voluntaria de preparación adicional a primeiros do mes de abril de
2005. Se é superada entenderase que o/a alumno/a logra unha avaliación
positiva da 2ª avaliación coa cualificación de 5 ou 6, independentemente da
posible máis alta nota acadada na proba escrita. 4.
Non haberá unha proba de
preparación adicional correspondente á 3ª avaliación. 5.
Ó remate do curso,
haberá unha proba escrita sobre a totalidade do programa de Física de 2º de
Bacharelato que deberá ser realizada pola totalidade do alumnado. Se é
superada con suficiencia obterase unha avaliación global positiva do curso
coa cualificación de 5 ou 6, con independencia dunha posible máis alta nota
na proba escrita, para aqueles alumnos/as que teñan algunha avaliación
suspensa Aqueles outros alumnos/as
que superasen a totalidade das avaliacións só terán que acadar unha
cualificación de apto para poder obter a que lle corresponda polo
traballo realizado ó longo do curso. Os/as alumnos/as que non superen, despois de terse acollido á
posibilidade da proba de preparación adicional, algunha avaliación trimestral
terán que realizar a proba final para poder superar a disciplina de acordo
coa seguinte casuística: Ø
Se non se supera a 1ª
avaliación (1º parcial da proba final) Ø
Se non se supera a 2ª
avaliación (2º parcial da proba final) Ø
De non superar a 1ª e 2ª
avaliación (1º e 2º parcial) Ø
Se non se supera a 3ª
avaliación (3º parcial da proba final) Ø
Nos demais casos
posibles haberá que realizar a totalidade da proba final. 6.
A estructura de todas as
probas escritas será a seguinte:
Enténdese que
a puntuación total de cada pregunta só se logrará se esta é contestada correctamente
na súa totalidade. Neste sentido unha cuestión deberá estar razoada e un
exercício resolto na súa totalidade, coas fórmulas deducidas cando así o
especifique o seu enunciado e os resultados expresados coas unidades
oportunas. 7.
As probas escritas realizaranse
pola tarde o día da semana que se elixa de común acordo. Terán unha duración
limitada que poderá variar dunha proba a outra. A duración concreta de cada
proba figurará no folio de exame. A non asistencia ás probas terá que ser xustificada e documentada
convenientemente. Só por motivos de enfermidade ou de forza maior se poderá
aprazar individualmente unha proba escrita. 8.
Durante o curso será
obrigatoria a lectura dun libro (ou de parte del) que trate sobre aspectos
relacionados coa física e/ou co currículum da materia. No seu momento
proporase a título. 9.
A cualificación
outorgada nas avaliacións non só depende do resultado das probas escritas,
senón que tamén pode ser matizado en función das anotacións que teña o
profesor sobre o/ alumno/a referentes a probas orais de carácter puntual, ás
saídas ó taboleiro, ás prácticas de laboratorio e ó seguimento dos boletíns
de cuestións e problemas. 10. Para poder acollerse a este sistema de avaliación é necesario
cumprir estrictamente o estipulado no Regulamento de Réxime Interno (RRI) do
centro no que fai referencia á asistencia ás clases. |
|