Sumario

 

ADIVIÑAS POPULARES GALEGAS

 

 

 

  • Que é unha cousiña, cousa: dous dereitiños, un dalle-dalle, catro mexafontes e un rega-montes.

 

                (Solución: A vaca: Os cornos, o rabo, os tetos e o mexadoiro)

 

  • Unha señorita moi enseñoritada, chea de remendos sen unha puntada.

 

                                              (A galiña)

 

  • Cucurico non ten ollos, cu nin bico, e os fillos de cucurico teñen ollos, cu e bico.

 

                                              (O ovo e o pitiño)

 

  • Cando vai pro monte dálle os cornos a casa; cando vai pra  casa dálle os cornos ó monte.

 

                                              (A forcada que leva o home ó lombo)

 

 

  • Anda e non ten pés; come, e non ten boca, e toda a comida lle parece pouca.

 

                                             (O muíño)

 

  • Pelo con pelo e o vivo no medio.

 

                                           (O ollo entre as perfebas)

 

  • Unha cousa para quen sempre chove e sempre está mollada.

 

                                              (A lingua)

 

  • Unha cousa que coa súa risada perdeu a súa anada.

 

                                                      (O ourizo da castaña)

 

  • Dez señoritos de par en par pasan o río sen se mollar.

                                        

                                               (Os dez fungueiros do carro)

 

  • Estou pensando, pensando; de pensar vólvome tola. Coa sogra da muller de meu irmán, ¿que parentesco me toca?

 

                                                     (A miña nai)

 

 

 

  • Unha velliña engorrumillada cun tranco no cu e sen unha puntada.

 

                                                       (A uva pasa, co seu rabo)

 

  • Cando vai pro monte vai cheo, cando vén pra casa vén baleiro.

 

                                                 (O pucheiro d elevar o xantar)

 

  • Detrás daquel coto, hai un boi xoto, e non me hai home nado, nin por nacer, que na súa corte o poida meter.

 

                                                            ( O sol)

 

  • Capullo sobre capullo, capullo do mesmo pano, senón que cho diga eu, non o acertas neste ano.

 

                                                            (A cebola)

 

  • Dous bois brancos nunha corte de ferro metidos.

 

                                                    (Os ovos na tixola)

 

  • Ten un dente e tira pola xente.

 

                                                        (A campá)

 

  • Cando vai pro monte, vai engorrumillada e ó vir vén estarricada

 

                                            (O adival do carro)

 

 

 

 

                                                  TANIA PARDO SOUTO- 1º ESO- D