O ASEREJÉ
SATÁNICO
|
|
|
|
¡¡O que
hai que oír, ... .mellor dito ler!! O outro día cando estaba eu tranquila
lendo o xornal e vin que poñía que o aserejé era satánico case escacho coa
risa. Home, a verdade é que algo de pecado si que ten que estiveramos todo o
verán cantando unha canción como esa, pero de aí a que incite ó satanismo... Púxenme a ler con interese e vin burradas como
as seguintes: O
señor Rolando Sánchez, asistente espiritual do Instituto do Departamento
evanxélico afirmaba o seguinte: “Se non ten significado é porque algo oculta,
polo que é mellor non escoitala”. Segundo isto a xente que non sabe inglés
non pode escoitar cancións neste idioma xa que non sabe o que significa. Despois está a traducción que lle dan porque xa
me diredes en que se parece “bugui an de buididip” a “baixan e han de guiar
por nós”. E o pobre Diego..., mira que dicir que é
Lucifer, polo menos chamarlle “anxo fermoso” Eu sinceramente creo máis a versión que dan elas
na que din que a canción é a versión “Spanglish” do tema Raper’s delight de
Sugar Hill Gang porque se nos fixamos hai palabras parecidas ó inglés como
“an” (and) ou “de” (the). O mellor de todo isto é que lle dean publicidade
ó grupo, sobre todo agora que están de xira por Estados Unidos e alí vanlle
moito este tipo de cousas satánicas e relacionadas con ritos demoníacos. En fin, creo que o que teñen que facer é darlle
algo para facer ós curas de Honduras porque os pobres débense aburrir e non
teñen outra cousa que facer máis que intentar sacar demos de onde non hai
nada. Definitivamente creo que a traducción que lle deron a canción non ten nin pés nin cabeza, que o Aserejé segue sendo unha canción sen sentido.Non que lle busquemos os tres pés ó gato. |