|
¡¡REPETIMOS...!! |
|
|
|
O pasado mes de decembro
puidemos apreciar unha vez máis a gran intelixencia dos seres humanos. Parece
mentira que en pleno século XXI sigan pasando este tipo de cousas: Un barco
en pésimas condicións transportando un fuel perigosísimo, de xeito ilegal e
moi preto das costas galegas. Agora, dende que o mal está feito, os políticos empezar a interesarse,
mellor dito, a facer que se interesan porque dentro duns meses nin se
lembrarán. Pero as miles de familias galegas afectadas non se lles vai
esquecer esta inxustiza por moitos anos. E todo isto pasa porque uns delincuentes queren gañar uns cartos extra. Poderiamos comprender a falta de medios que temos para afrontar este desastre se nunca tiveramos problemas deste tipo; pero resulta que hai escasamente dez anos que outro petroleiro chamado Mar Exeo, vertera o seu fuel nas costas coruñesas. As causas daquel vertido foran a rotura do casco a causa dunha rocha dificilmente visible que o perforou. Naquel entón, os políticos tamén prometeran moitas cousas pero esa rocha segue alí e os cartos que prometeron aínda non chegaron ós afectados. O refrán di que “o home é o único animal que tropeza dúas veces na
mesma pedra” e ten toda a razón. Pero dentro da desesperación de que cada vez a humanidade é menos
consecuente, aínda queda pensar que hai xente preocupada por axudar sen
agardar nada a cambio, tan só queren “AXUDAR”. Esas persoas que chegan aquí de diferentes partes do mundo, veñen a
traballar na limpeza da nosa costa e elas si que merecen ser chamadas
PERSOAS. En definitiva, agardo que
esta traxedia nos axude a pensar que a vida non son só cartos e, sobre todo,
a prender que os cartos non se comen. Mª Lidia Vázquez Cardeiro |