|
UNHA RECOMENDACIÓN PARA LER |
|
|
|
Na
clase de P.D.C. de 3º ESO lemos neste trimestre un libro titulado Mecanoscrito
da segunda orixe, do autor catalán, xa falecido, Manuel de Pedrolo, e
publicado pola Editorial Galaxia. Agora imos contar de maneira resumida de qué
trata . Alba
e Dídac son dous rapaces que sobreviven a unha catástrofe que se produce na
vila de Benaura. Os dous protagonistas marchan de Benaura, e quedan a vivir
na fraga. Un día no que foron buscar cogomelos, viron uns aparatos que voaban
moi a modiño polo ceo. ¡Eran pratos voadores! Marcharon para a casa sen facer
ruído, por medo de que estivesen espiando, e desde aquel día viviron durante
un tempo temendo que os extraterrestres, que eran os culpables da catástrofe,
os descubrisen. Máis
adiante, decidiron instalarse en Barcelona. Cando chegaron alí, viron que a
paisaxe perdera todos os seus edificios altos, mentres que se conservaban
outros máis humildes. Foron a todas as bibliotecas que había e colleron todos
os libros que sobreviviran á catástrofe, xa que algúns estaban desfeitos. Un
día Alba e Dídac foron ao porto buscar un iate para intentar facer unha viaxe
polo Mediterráneo e comprobar se había máis superviventes. Na viaxe, Alba
fotografaba todos os monumentos que encontraba e tamén collía pequenos
botíns. Un día chegaron a unha praia e viron a uns homes que intentaron matar
a Dídac, pero antes de que o matasen, Alba disparoulles. De alí
a un tempo, Alba quedou embarazada. Por iso decidiu estudiar Xinecoloxía e
Obstetricia, para estar preparada no momento do parto. Dídac tamén decidiu
estudiar porque sería el quen lle axudaría a traer ao mundo o neno. Ao
cabo duns meses, cando o neno nace, Dídac sae buscar libros de electricidade,
pero tarda moito e Alba vai en busca del. Alba encontra o coche, pero Dídac
non estaba dentro; segue camiñando e ve un corpo que estaba soterrado cunha
morea de pedras, achegouse e comprobou que era Dídac, que morrera porque lle
caera enriba del un teito duns baixos. Alba
mirou ao seu fillo e desexou que fose precoz como o seu pai porque aínda
podería ter uns cantos fillos do seu propio fillo. ¿Alba
é a nai da Humanidade? Este é,
de xeito resumido, o argumento deste fermoso libro. Nós pensamos que é un
libro francamente interesante, porque trata de persoas humanas que sobreviven
a unha catástrofe e porque nos acaba ensinando cómo debemos enfrontarnos ao noso
mundo para construír un mundo novo. Alumnado do PDC
de 3º.
|