Non podo crer que a xente coma o señor Aznar, coa idade que ten, vexa lóxico que se leve a cabo unha guerra; ata un neno de 5 anos alzaría a súa voz dicindo: -¡¡¡NON Á GUERRA!!!
Un día, un compañeiro meu díxome que Aznar uníase a Bush porque se non Estados Unidos atacarían España. Referente á súa opinión, non estou de acordo. Non creo que ocorrese iso, e,se así fose, non levariamos as de perder, xa que algún país, como Rusia, Francia,... "saltaría", está claro que algún país nos ía axudar.
A miña forma de velo é a seguinte, uniuse a EEUU porque Aznar é un lambecús. Non está a desempeñar o seu cargo como é debido. Eu pregúntome o que significa para el ser o presidente do goberno. El é o presidente de España, e ten que representar a maioría dos españois, e esa maioría non fai máis ca dicir NON Á GUERRA. El está a representar a catro pelagatos que van detrás dun Presidente do Goberno que, ó meu parecer, non ten sentimentos.
Hai xente que pensa que imos gañar, pero iso está por ver. Isto é unha vinganza que vén dende hai 12 anos, tras a guerra do Golfo Pérsico, na que EEUU perdeu, é unha vinganza que a leva a cabo Bush en nome do seu pai.
Imos supoñer que gañaramos, ¿e que? o único bo é que non chegue ata España, pero despois ten todo malo. Vai morrer todo Iraq. ¡¡¡VICTORIA!!!, cantará Bush, Aznar e demais escoria que di que si á guerra. Pero morreu xente inocente, tanto en Iraq coma en EEUU, co de xente inocente refírome a que morreu xente que non quería que houbese guerra. Pero á "escoria" iso non lle importa, vingáronse e iso é o que vale para eles.
¡¡¡EXTRA!!! Aznar subiu un chanzo máis na súa "merda" devida profesional, pasou de ser o Presidente do Goberno a ser "o presidente do cu de Bush". Parabén, pero segue a ser unha merda, que só pensa en cousas materiais e non en cousas que son boas para todos os españois. El non se para a pensar que haberá rapaces que queden sen pais, sen a súa familia, a xente quedará sen casas,... pero, ¿que lles importa a eles?, eles non van coller ningunha arma e loitar, defender o seu país. ¡Por favor! Eles que se queden nas súas anaco mansións, que o resto fará o traballo sucio. Total, a xente que intentará sobrevivir é a que non quere a guerra, e os que a apoiaron seguirano todo dende a TV e o lugar só o saben eles.
Quen ten que ir á Guerra é a xente que a apoia, ¿por que ten que ir xente obrigada?, ¿por que ten que morrer xente que non está de acordo con esta barbarie?... A xente do Goberno moito fala, pero ó do bigote non o vexo ensuciando as mans, xa non limpou o chapapote como para que faga agora algo.
Pídovos que abrades os ollos, si, vós, esa xente que votastes o PP ou xente que coñezades, facédelle ver que con este Goberno imos de "puto cu". Tedes moitísimos argumentos coherentes para facerlles ver que non deben votar ó PP, e que cambiou de nome, non é Partido Popular, senón Partido Privado.
A min a política en si paréceme unha auténtica bazofia, e o meu voto non o vou deixar en branco, porque en Melide, por desgracia, sempre gañará o PP (¡oxalá que me estea equivocando!), gustaríame non participar nesta merda, pero as mulleres dos nosos antepasados loitaron porque as mulleres puidesemos votar, e non quero insultar o seu traballo, a súa loita. Votade o que vexades, cada un é libre, pero o PP... ben, alá cada un.
¿Cando serán portada en todos os xornais e noticia importantísima na TV estas frases: "Non haberá Guerra", "A vinganza está morta", "Por fin ponse en práctica a palabra xustiza"? Co subtítulo: Xustiza, palabra que existe nos diccionarios pero que nunca se levou a cabo, pois hoxe a xustiza é esmagada pola vinganza.
Pero como non se pode vivir de ilusións... volvo á crúa e dura realidade e dígovos... ¡¡¡NON Á GUERRA!!!

Yolanda L.G