¡Ola a todos!: nós somos as alumnas de Debuxo Artístico I; e como é a 1ª vez que a temos no instituto, escribímosvos esta carta, porque pensamos que é necesario que saibades en qué consiste esta materia. Na nosa opinión é unha materia parecida a Plástica, pero á vez moi diferente. En primeiro lugar en debuxo artistico, non hai debuxo técnico; si, si leíches ben, ese de alzado, planta e perfil. Nós nesta materia o que máis facemos é pintar, as veces a carboncillo, outras a acrílico, acuarela ou óleo. Inspirámonos en todo tipo de cousas: cadros, fotos, libros, a natureza, modelos ó natural, pero ademais descubrimos a través das formas e da cor, a arte abstracta, axudándonos da música tan rara que escoitamos (normalmente radio 3, porque Natalia non quere que cambiemos de emisora).
Despois de case nove meses de experiencia coa pintura e o seu cheiro, podémosvos decir algunhas cousas, como que hai que ter paciencia, non hai que desesperarse se sae mal porque sempre o podes retocar. Ah, e como dí Natalia: ¡exprésate!. Pero isto non se pode explicar, hai que experimentalo un mesmo porque é un pequeno gran mundo, e iso está nas vosas mans; nós pola nosa parte recomendámosvos que o fagades.
Se queres ver o noso traballo, estade atentos, porque imos facer unha exposición, esa será a nosa primeira exposición, e como nos costou tanto facer as nosas pequenas obras de arte, gustaríanos que alumnos e profesores, fosen a vela para darnos a súa opinión. Un saúdo para todos vós de nós: Ana Belén Villamor, Lucía Lugris, Susana Prado e Bárbara Rodriguez de 1º B de Bac.