Non se pode matar a todo un pobo para acabar cun tirano, non se responde á violencia cunha guerra. A guerra supón o fracaso da palabra, da democracia, de calquera valor que hoxe ensinan nas escolas.
Se toda a evolución química, industrial, tecnolóxica e mental que se fabrica co entusiasmo de progreso dos dirixentes políticos é para utilizala nesa masacre, nesa guerra de conquista e sometemento, pois entón maldita a evolución, malditos os conflictos bélicos e malditos os canallas que apoian iso. Preferiría voltar á idade de ferro e ás cavernas..
A legalidade internacional así que agora a guerra é a paz, a ilegalidade chámase legal e a liberdade é a escravitude, as afortunadas resolucións son lexítimas e para desarmar a Sadam hai que matar a moitos cidadáns.
¡Meu Deus!, eu quixera saber dende cando a legalidade é a guerra, dende cando iso ten explicación posible, ¿en que século vivimos?.
Pasarse polo forro dos pantalóns a case toda España esixindo nas rúas un NON Á GUERRA por parte do goberno, esquecerse do Parlamento, do noso Rei, da ONU,... ¿iso é razoable?. Eu creo, e coma min milleiros de españois e europeos, que non.
Terán vostedes coraxe, señores que apoian iso, porque non dicilo Señor Presidente, terán vostedes argumentos para contarlle ó neno Alí, sen brazos e con toda a súa familia morta nun tiroteo, que a guerra foi para liberalo e contra o terrorismo.
Alí medrará co rancor e, como din os vellos, cando rompan os ovos xa se verán as cáscaras.
Apoiou a posición, totalmente contraria do que un país plenamente democrático representa, Provocou o que lle sucedeu ós nosos xoves xornalistas, foi cómplice.
E logo di que nos manifestamos violentamente, ¿pero que saberá vostede?. A inmensa maioría estamos aburridos da súa democracia, berramos consignas pero nunca fixemos mal a ninguén.
Non xeneralice porque vostede é o primeiro ignorante en defender esta guerra. Se de verdade queremos loitar contra isto, cada un de nós debemos loitar contra a prepotencia, a arrogancia e a cegueira.

NATALIA BLANCO SÁNCHEZ- 1º BACH.-B