¿Por que te escondes de min dentro desa esfera con pequenos orificios e liñas alargadas, rectas e curvas que cobren a esfera para que a temperatura non baixe de 36º?
¿Por que ese semicírculo con pequenos polígonos de catro lados irregulares e brancos, cando me miras coas túas esferas marróns?
¿Por que fas que expulse H20 con sales minerais polas miñas esferas azuis cada vez que emites un son cunha forza de dous newtons intentando que o meu corpo estea cerca do teu?
Non sei o que pasa no meu interior, pero cada vez que a túa presencia me inunda ou o teu corpo se reflicte nas miñas pupilas, atravesando a córnea e é levado ó meu cerebro a través dos nervios oculares, o meu órgano fundamental que bombea sangue ó resto dos órganos do corpo, dá un xiro de 360º ó leste, facendo tremer as miñas extremidades, o meu tronco e a miña esfera que contén materia gris, ou tamén chamada masa encefálica, que non sei por qué, pero pensa en ti as 24 horas, 1440 minutos, ou o que é o mesmo 86.400 segundos.

Ámote

Lucía Lugrís Casares
1º Bac-B