Se no número anterior do INTRES expuxen no relato "As dúas caras dunha moeda" que se descubriu auga nos polos de Marte, agora escribo esta nota de rectificación con motivo dos novos descubrimentos da NASA, que sitúan a auga, en forma de xeo, e baixo unha capa de neve e fragmentos de rocha e po, no ecuador do planeta, debido á inclinación do eixe deste, que propicia un ciclo meteorolóxico de varios centos de anos de duración, no que a auga se traslada dos polos ó ecuador e viceversa, causa posiblemente da erosión do solo ó condensarse e que provocou as canles de Marte.
Respecto ós Xeradores Anti-masa da nave de "A viaxe", está explicado moito máis claramente o seu funcionamento no relato "La bola de billar" do libro Estoy en Puertomarte sin Hilda de Isaac Asimov, do que tomei a idea. Este libro é unha suma de relatos policiais e de misterio encadrados no futuro. Claro que se che gustan os relatos de investigación e con moitas sorpresas podes ler Yo robot e Sueños de Robot, tamén de Asimov. E se isto che parece pouco, podes ler a triloxía Fundación (Asimov), Cuentos de la taberna del ciervo e Velero espacial (Arthur C.Clarck), La nave estelar (Aldis) e do español Jordi Sierra i Fabra ...en un lugar llamado Tierra e Regreso a un lugar llamado Tierra.
Seguro que che gustarían