"Imaxina que non hai posesións,
non sei se poderás,
que non haxa necesidade, cobiza ou fame
senón unha irmandade de homes;
imaxínate a todo o mundo
compartindo todo o mundo.

Dirás que son un soñador,
pero non son o único;
espero que algún día te unirás,
e o mundo será un"

(JOHN LENNON, "Imagine")

" Camiñan ó meu rente moitos homes.
Non os coñezo. Sonme extraños.
Pero ti, que te alcontras alá lonxe,
máis aló dos desertos e dos lagos,
máis alá das sabanas e das illas,
coma un irmau che falo.
Anque as nosas palabras sexan distintas,
a ti negro e eu branco,
se temos semellantes as feridas, coma un irmau che falo.
Por enriba de tódalas fronteiras
por enriba dos muros e valados,
se os nosos soños son iguais,
coma un irmau che falo.
Común temos a patria,
común a loita, ambos.
A miña mau che dou,
coma un irmao che falo."

(Celso Emilio Ferreiro, "Irmaus")

"Agora tomo o sol. Pero até agora
traballei cincuenta anos sen sosego.
Comín o pan sudando día a día
nun laboral arreo.

Gastei co tempo co xornal dos sábados.
Pasou a primavera, veu o inverno.
Dínlle ó patrón a flor do meu esforzo
e a miña mocedade. Nada teño.
O patrón está rico á miña conta,
eu, á súa, estou vello.
Ben pensado o patrón todo mo debe.
Eu non lle debo
nin sequera iste sol que agora tomo
Mentres o tomo espero"

Damaris Fernández Baptista- 2º ESO-D
(Actividades Alternativas)