Todos sabemos que o mundo está cheo de desigualdades, xa sexan por sexo, raza, cultura, economía..., pero está claro que unha das desigualdades máis destacada é a dos sexos. Na maior parte do mundo, as mulleres están consideradas seres inferiores, polo que deben estar sempre submisas á vontade do home. Isto resalta sobre todo nalgunhas relixións como a musulmana. Ademais, hai máis desigualdades como a das razas, porque aínda que non o aceptemos, a raza branca sempre foi considerada superior ás demais. Isto implica que no mundo exista esa noxenta ideoloxía chamada racismo. Estes son só uns exemplos das grandes desigualdades que existen neste mundo noso. Pero aínda que todos sabemos da súa existencia, hai moi pouca xente que abre os ollos ante isto e fai o imposible por cambiar esta situación. Ninguén quere responsabilidades; se todos fixeramos unha pequena cousa, aínda que fose unha parvada por axudar ós demais, seguro que no mundo non existirían países pobres e países ricos; nin morrerían miles de persoas por non ter nada que levar á boca.
Por iso penso que en pleno S.XXI non pode existir esa mentalidade de "eu non fixen nada", porque aínda que nós non fomos os responsables, agora temos a responsabilidade nas nosas mans, agora é a nosa oportunidade para acabar cos males do mundo. Con isto non pretendo que sexamos unha especie de Superman, porque é imposible, pero si que poñamos o noso graniño de area. Xa que isto non se soluciona con unha guerra, nin con querer asoballar un pobo por ser máis que alguén, por querer ter o poder do mundo. Supoño que xa saberedes a quen me refiro, ¿non? pois non pode ser, non podemos permitir que no ano 2000 existan déspotas, iso acabouse, porque, como todos sabemos, non podemos gañar unha guerra, como tampouco se pode gañar un terremoto ou un furacán. Pero, pola contra, unha guerra si se pode evitar, cousa que un terremoto non. O caso é que non vale ser solidarios chorando pola guerra, ou tendo un sentimento de acompañamento coas víctimas. O caso é evitar os feitos, evitar ese ser máis, porque todos somos persoas, e todos somos iguais, todos temos un corazón, unha alma e un corpo, que nos pode axudar a cambiar o mundo. Todos queremos os mesmos dereitos e oportunidades.

Ana Belén Villamor