A verdade é que non sabía como comezar esta redacción, ou como se chame. Para ser sincera, nin sequera sei como continuar ata encher a folla. ¿De que vai esta redacción? ¿E se vos mandaran facer unha redacción da miña redacción? Véxoo "chungo". ¿Cal sería o tema? Que non sei facer unha redacción.
Non sei de que falar. Suponse que debo falar de cousas de acordo coa moral, cousas boas e xustas ou críticas ó PP, pero non o vou facer, mira ti, non me dá a gana. ¿Que de que me apetece falar? A verdade é que de nada, porque hoxe en día non se pode dicir nin facer nada que logo cho censuran. ¡E despois din que hai liberdade de expresión! Éntrame a risa.
¿E se agora, que estou escribindo con tanta paciencia, meditando e pensando as cousas antes de escribilas, sen deixarme influír pola opinión de ninguén... non me collen este traballiño para o Intres? ¡Acabaríase a miña vida como escritora! Alá van as miñas calidades literarias para a carpeta dos rexeitados. Derrubaríase a miña carreira artística e sufriría unha depresión inmensa.
A verdade é que eu isto tampouco o metería no Intres... eso quedou en mans dos que o escolleron, así que se non vos gusta, escribide un artigo coas vosas queixas botándolles a culpa a eles.
¡¡Animádevos a escribir no Intres, que sempre somos os mesmos!

Lucía Lugrís Casares. 1º Bac.B

¿...CON ESTAS VISTAS NON SE OCORRE NADA?