Ernesto Che Guevara naceu no seo dunha familia acomodada. Graduouse como médico cunha tese sobre alerxias, pero exerceu pouco porque en xullo de 1953 puxo rumbo a Guatemala e desde alí foi a México, onde coñeceu ó mozo avogado Fidel Castro, que preparaba unha expedición armada a Cuba.

Guevara foi un dos homes da guerrilla cubana da Sierra Maestra, na que dirixiu unha columna que tivo como principal misión a toma da cidade de Santa Clara, en decembro de 1958, batalla decisiva para derrocar o réxime de Fulgencio Batista.

Tralo triunfo da revolución liderada por Fidel Castro, o 1 de xaneiro de 1959, o Che Guevara foi declarado "cidadán cubano en recoñecemento ós servicios prestados ó país'' e ocupou os cargos de presidente do Banco Nacional e ministro de Industrias.
En 1965 desapareceu da escena política cubana para participar no movemento guerrilleiro no Congo e un ano máis tarde reapareceu en Bolivia, onde encabezou un pequeno núcleo guerrilleiro.

Pero once meses despois de chegar á selvas bolivianas, o 8 de outubro de 1967, foi capturado nunha emboscada polo exército e levado a unha escola na aldea da Figueira, onde ó día seguinte foi executado.

Os restos do guerrilleiro foron enterrados nunha fosa común en Vallegrande, no sudeste de Bolivia, e trinta anos despois encontrados e trasladados a Cuba, onde recibiu sepultura no mausoleo erixido nunha praza en Santa Clara.

Ernesto escribiu varias cartas de despedida antes da súa morte unha delas aos seus 5 fillos:

Aos meus fillos

Queridos Hildita, Aleidita, Camilo, Celia e Ernesto:

Se algunha vez tedes que ler esta carta, será porque eu non estarei entre vos Case non me recordarán e os máis pequenos non recordarán nada. O voso pai foi un home que actúa como pensa e, seguro, foi leal ás súas conviccións.
Medrade como bos revolucionarios. Estudiade moito para poder domina-la técnica que permite domina-la natureza. Acordádevos de que a revolución é o importante e que cada un de nós, so, no vale nada. Sobre todo, sede sempre capaces de sentir no máis fondo cualquera inxustiza cometida contra cualquera en cualquer parte do mundo. É a cualidade máis linda dun revolucionario.
Ata sempre filliños, espero velos todavía. Un bico grandote e unha grande aperta de Papá

ALGUNHAS CITAS DO CHE:

§ O coñecemento fainos responsables.
§ Se non hai café para todos non haberá café para ninguen.
§ A revolución non se leva nos beizos para vivir dela, lévase nocorazón para morrer por ela.
§ O revolucionario verdadeiro está guiado por grandes sentimentos de amor
§ Ser capaz de sentir indignación contra calquera inxustiza cometida contra calquera persoa, en calquera parte do mundo é a cualidade máis fermosa dun militante
§ O proletariado non ten sexo. É o conxunto de tódolos homes e mulleres que, en tódolos postos de traballo do país, loitan consecuentemente para obter un fin común.
§ A xuventude é a vangarda da revolución. Como vangarda debe asumir o traballo, o estudo e o fusil. O traballo e o estudo para desarrolla-lo futuro do país e o fusil para defendelo
§ Ata a victoria sempre
§ Patria ou morte
Arizt. S4B