¿Canta xente coñeces que estudiou unha carreira universitaria e está traballando en algo para o que non se formou? Se o pensades ben, darédesvos conta que hai abondo, pois isto non pasa nos ciclos formativos, xa que máis de un 75% da xente queda a traballar nas empresas nas que fan as prácticas.
Pois ben, con isto non vos quero convencer para que fagades unha formación profesional, pero si quero criticar o que está a pasar no instituto este curso. Moitos de vós xa sabedes a que me refiro, pero para os que non o saiban, é o tema de formación profesional de Xestión Comercial e Marketing. Non se pode impartir este curso o ciclo porque só hai cinco persoas matriculadas, pero nos Bacharelatos e na ESO si se poden impartir materias, aínda que só haxa unha persoa ¿Credes xusto o que están a facer? Eu non o creo xusto, porque os de Bacharelato e os da ESO poden facer unha materia sendo poucos e os do ciclo teñen os mesmos dereitos, ¿non pensades?
Aínda que non é estraño, xa que os de comercio nunca contan para nada, só cando queren que fagamos pancartas, algún tipo de anuncio, etc. E non conformes con pasar de nós, agora o IES de melide está a punto de perder este ciclo para ser substituído por un de grao superior, cousa que me parece moi mal, xa que unha cousa non quita a outra.
É unha vergoña que Melide careza de moitas cousas e que a nosa vila veciña, Arzúa, que é moito máis pequena que a nosa teña máis facilidades para estudiar ca nós.
¡¡¡Temos que facer algo!!!, polo menos que medre Melide en EDUCACIÓN, xa que non medra en TRABALLO.

Ángel Manuel Neira Corral